იურიდიულ საკითხთა კომიტეტის თავმჯდომარემ ეკა  ბესელიამ, პარლამენტის პლენარულ სხდომაზე,  პრეზიდენტის საპარლამენტო მდივანს ანა დოლიძეს კონსტიტუციის 48-ე მუხლი შეახსენა და პრეზიდენტის ადმინისტრაცია და მისი წარმომადგენლები პარლამენტისადმი უპატივცემულო დამოკიდებულებაში დაადანაშაულა.

„ქალბატონო, ანა, არც მეტი არც ნაკლები, უნდა დავიწყო თქვენთვის კონსტიტუციის 48-ე მუხლის შეხსენება და ამას ვაკეთებ სრულიად გააზრებულად, სწორედ იმ პათოსის, სრულიად შეუსაბამო ტონის, პარლამენტის, როგორც ინსტიტუციისადმი, უპატივცემულო დამოკიდებულების გამო,  რაც გამოსვლების ქვეტექსტებშიც იგრძნობოდა, ტონშიც და რაც მთავრია, ძალიან სახიფათოდ მეჩვენება ის ჩანაწერები, რომელიც პრეზიდენტმა შენიშვნების სახით პარლამენტს გამოუგზავნა. შეგახსენებთ, რომ კონსტიტუციის 48-ე მუხლით, საქართველოს პარლამენტი, ეს არის ქვეყნის უმაღლესი წარმომადგენლობითი ორგანო, რომელიც ახორციელებს საკანონმდებლო ხელისუფლებას, განსაზღვრას საგარეო და საშინაო პოლიტიკის ძირითად მიმართულებებს და კონსტიტუციით განსაზღვრულ ფარგლებში, კონტროლს უწევს მთავრობას და ახორციელებს სხვა უფლებამოსილებებს. დიახ, ესაა პარლამენტი თავისი ჭრელი შემადგენლობით, მაგრამ ეს არის ქვეყნის უმაღლესი საკანონმდებლო ორგანო. მას სჭირდება სათანადო პატივისცემა და ისეთი ტონით და ისეთი შინაარსით საუბარი, რომელიც თავად პრეზიდენტის მხრიდან და მისი წარმომადგენლის მხრიდან არ დაარღვევს ამ კონსტიტუციურ ბალანსს. თქვენ ამ ბალანსს არღვევთ და ამას  აკეთებთ ძალიან ცუდი ტონით“,-განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები