იუსტიციის უმაღლესი საბჭოს წევრის, თამარ ალანიას განცხადებით, მას არ აქვს რაიმე ინფორმაცია იმის შესახებ, რომ „რუსთავი 2“-ის საქმესთან დაკავშირებით, დოკუმენტები გაყალბდა.

როგორც ალანიამ თემის კომენტირებისას ჟურნალისტებს განუცხადა, სიყალბის დადგენა საგამოძიებო ორგანოების საქმეა.

რაც შეეხება უშუალოდ „რუსთავი 2“-ის საქმეზე მიღებულ გადაწყვეტილებას, ალანიას თქმით, გადაწყვეტილება 9 მოსამართლისგან შემდგარმა დიდმა პალატამ მიიღო და მას, როგორც მოსამართლეს, მასში ეჭვის შეტანის საფუძველი არ აქვს.

„ინფორმაცია პალატასთან დაკავშირებით არ გამაჩნია. რაც შეეხება გაყალბებას, მოხდა თუ არა რაიმე გაყალბება, სიყალბის დადგენა ხდება პირველ რიგში საგამოძიებო ორგანოს მხრიდან და შემდგომ სასამართლოს განაჩენით. აქედან გამომდინარე, არაკომპეტენტური ვიქნები, ვთქვა სიყალბესთან დაკავშირებით რაიმე. ჩემს პოზიციას ვერ დავაფიქსირებ. საბჭოს წევრობა არ მაძლევს იმ უფლებამოსილებას, რაც აქვს პროკურატურას და შემდგომ სასამართლოს. გადაწყვეტილება მიღებულია დიდი პალატის მხრიდან, მასში 9 მოსამართლე იღებდა მონაწილეობას. ეჭვის შეტანის საფუძველი მე, როგორც მოსამართლეს, არ მაქვს“, - აღნიშნა ალანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი