სტრასბურგის სასამართლოში მოსამართლეობის კანდიდატის თამარ ალანიას განცხადებით, მას აქვს საკმარისი გამოცდილება იმისათვის, რომ იყოს მოსამართლე ადამიანის უფლებათა ევროპულ სასამართლოში.

ალანია მოსამართლეთა შერჩევის პროცესისადმი ოპტიმისტურადაა განწყობილი.

რაც შეეხება იმას, თუ რატომ გახანგრძლივდა 13 აპრილამდე ადამიანის უფლებათა ევროპულ სასამართლოში წარსადგენ კანდიდატთა განცხადებების მიღების ვადა, ალანია ამბობს, რომ აღნიშნულთან დაკავშირებით ინფორმაცია არ აქვს.

„მე რომ არ ვაფასებდე ჩემს შესაძლებლობებს და იმ შანსებს, რაც გამაჩნია, არ შევიტანდი ჩემს განაცხადს, ჩემს კანდიდატურას არ დავაყენებდი. მე ვარ მოქმედი მოსამართლე, რომელსაც გააჩნია 11-წლიანი გამოცდილება და რაც ყველაზე მნიშვნელოვანია, მე მაქვს სტრასბურგის ადამიანის უფლებათა სასამართლოში მუშაობის გამოცდილება იურისტად. მე გავიარე სპეციალური კონკურსი, რომელიც ჩაატარა ევროპის ადამიანის უფლებათა სასამართლომ და იქ გავიმარჯვე. 6 თვის განმავლობაში ვიყავი მივლინებული სტრასბურგის სასამართლოში სამუშაოდ. ჩემი გამოცდილება მაძლევს იმის უფლებას, რომ განვაცხადო პრეტენზია აღნიშნულ თანამდებობაზე“, - განუცხადა ჟურნალისტებს თამარ ალანიამ. 

შეგახსენებთ, სტრასბურგში საქართველოდან წარდგენილი მოსამართლეობის კანდიდატების სია ჩავარდა. საქართველოდან წარდგენილი მოსამართლეობის კანდიდატები იყვნენ: ევა გოცირიძე, ალექსანდრე ბარამიძე და გიორგი ბადაშვილი. მოსამართლეებს ევროსაბჭოს 1-მა წევრმა დაუჭირა მხარი, ხოლო 5 წინააღმდეგ წავიდა.

საქართველოს ხელისუფლებამ თავიდან უნდა ჩაატაროს კონკურსი და ახალი კანდიდატები გაგზავნოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები