"ევროპული საქართველოს" წევრმა ელენე ხოშტარიამ პარლამენტის პლენარულ სესიაზე მმართველი გუნდის წევრებს მიმართა და დასძინა, რომ მათ რეპრესიული პოლიტიკის შესახებ მოსახლეობას პასუხი უნდა გასცენ. 

როგორც ხოშტარიამ აღნიშნა, ხელისუფლებამ ნარკოტიკების ჩადების ფაქტებზე თვალები არ უნდა დახუჭოს. 

„არ შემიძლია არ გამოვეხმაურიო და მხარი არ დავუჭირო იმ საზოგადობრივ პროტესტს, რომელიც გამოიწვია ნარკოტიკების ჩადების ტალღამ. ბოლო დროს არის მზარდი შეშფოთება საზოგადოებაში, იმასთან დაკავშირებით რომ პოლიცია არის გადასული პირდაპირ თავისუფალი, წესიერი მოქალაქეების ტერორზე, ჩხრეკვაზე, იძულებით გადაყვანაზე ნარკოლოგიური შემოწმებისთვის და ასევე ნარკოტიკების ჩადებაზე.

მეგობრებო, თქვენ მოხვედით ხელისუფლებაში ლიბერალიზაციის და სამართლიანობის ლოზუნგით და ყველა ამ მიმართულებით თქვენ ჩათვალეთ, რომ უნდა შეიქმნათ კომფორტის ზონა, ძალაუფლებით ტკბობის სივრცე და არ ისწავლოთ არცერთ შეცდომაზე წარსულიდან. 

ჩვენ პირდაპირ ეთერში მოვისმინეთ უტყუარი ფაქტები, ძალიან საეჭვო განცხადებები ადამიანების წინასწარი მუქარის შესახებ, მოწმეებზე ზეწოლის შესახებ. ნუ ჩაიკეტებით პარლამენტში, ნუ დახუჭავთ თვალს უსამართლობაზე და როგორც დეპუტატები, რომლებიც ვალდებული ხართ ხალხის და არა ბიძინა ივანიშვილის წინაშე, გაეცით პასუხები რეპრესიული პოლიტიკის შესახებ", - მიმართა ხოშტარიამ საკონსტიტუციო უმრავლესობას. 

ცნობისთვის, ქუთაისის პარლამენტში პლენარული სხდომა მიმდინაროებს, რომელსაც ე.წ მოსმენების კანონპროექტს განიხილავენ, მას შემდეგ რაც 20 მარტს პრეზიდენტმა აღნიშნულ კანონპროექტს ვეტო დაადო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები