2017 წლის 20 მარტს სასტუმროში „რედისონ ბლუ ივერია“ „ბია“-ს ორგანიზებით და პაშა ბანკის პარტნიორობით გაიმართება საერთაშორისო ბიზნეს ფორუმი სახელწოდებით - „საქართველოს ეკონომიკა: პერსპექტივები და გამოწვევები“.

ფორუმს საქართველოს ეკონომიკის და რეგიონის საკითხებით დაინტერესებული ინვესტორები, ბიზნესმენები, მთავრობის წარმომადგენლები და საერთაშორისო ორგანიზაციები დაესწრებიან. აქ ძირითადად განიხილება ქვეყნის და რეგიონის ეკონომიკის პერსპექტივები და გამოწვევები.

ფორუმის ფარგლებში გაიმართება Shop Fest და B2B შეხვედრები. წინასწარ დაგეგმილ B2B შეხვედრებზე ადგილობრივი ბიზნესის წარმომადგენლები გაეცნობიან პოტენციურ უცხოელ ინვესტორებს, აქ მოხდება პროექტების წარდგენა ფინანსური რესურსების მოზიდვის მიზნით, ასევე ახალი საექსპორტო არხების მოძიება და ბიზნეს ურთიერთობების დამყარება.

ფორუმს სიტყვით გახსნის საქართველოს ვიცე-პრემიერი დიმიტრი ქუმსიშვილი. საქართველოს კორპორატიული და საინვესტიციო ბაზრის სპეციფიკაზე ისაუბრებს პაშა ბანკის დირექტორი და დირექტორთა საბჭოს თავმჯდომარე შაჰინ მამმადოვი. სპიკერებს შორის ასევე იქნებიან:

• გიორგი ჩერქეზიშვილი - ეკონომიკისა და მდგრადი განვითარების მინისტრის მოადგილე
• ზურაბ ალავიძე - რეგიონული განვითარებისა და ინფრასტრუქტურის მინისტრი
• ბრუნო ბალვანერა - ევროპის რეკონსტრუქციისა და განვითარების ბანკის დირექტორი კავკასიაში, მოლდოვასა და ბელორუსში
• მერსი ტემბონი -  მსოფლიო ბანკის რეგიონული დირექტორი სამხრეთ კავკასიაში

უცხოეთიდან მოწვეული სპიკერები ისაუბრებენ საკრედიტო რეიტინგებზე, ქონების მართვის ძირითად საკითხებსა და ვენჩურულ კაპიტალზე.

„პაშა ბანკი საინვესტიციო ჯგუფის პაშა ჰოლდინგის ნაწილია და 2013 წლიდან ოპერირებს საქართველოში. ჩვენ მსხვილ და საშუალო ზომის საწარმოებს კორპორატიულ და საინვესტიციო საბანკო მომსახურებას ვთავაზობთ აზერბაიჯანში, საქართველოსა და თურქეთში. აქედან გამომდინარე ჩვენი მხრიდან აღნიშნული ფორუმის მხარდაჭერა და მასში მონაწილეობა ორმაგად მნიშვნელოვანია: როგორც საკუთარი გამოცდილების გაზიარების კუთხით, ასევე ახალი პარტნიორების მოძიების მხრივ. მოხარული ვართ, რომ „ბია“ ახორციელებს ასეთ მასშტაბურ ღონისძიებას, რომელიც, გვჯერა, დადებითად აისახება ქვეყნის ეკონომიკურ განვითარებაზე“, - განაცხადა პაშა ბანკის გენერალურმა დირექტორმა და დირექტორთა საბჭოს თავმჯდომარემ, შაჰინ მამმადოვმა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა