აჭარის ჯანდაცვის მინისტრმა ზაალ მიქელაძემ მუნიციპალიტეტების გამგეობების წარმომადგენლებთან სამუშაო შეხვედრა გამართა.

სამინისტროს ინფორმაციით, შეხვედრის მიზანს გამგეობებისათვის, ქ. ბათუმში დასრულებულ 58 ბინიან სოციალურ სახლში ფართების განაწილებასთან დაკავშირებული პროცედურების თაობაზე სრულყოფილი ინფორმაციის მიწოდება წარმოადგენდა.

სოციალურ სახლში ფართების განაწილება, აჭარის მთავრობის მიერ უახლოეს დღეებშია დაგეგმილი.

„დღევანდელი შეხვედრა აღნიშნული პროცესის საჯაროდ და გამჭვირვალედ წარმართვას შეუწყობს ხელს. სოციალური სახლში საცხოვრისით დაკმაყოფილდება ქ. ბათუმისა და ქობულეთის მუნიციპალიტეტების ტერიტორიაზე მცხოვრები ეკომიგრანტები. მნიშვნელოვანია დაზარალებულთა დროული ინფორმირება დაზარალებულთა ერთიან ელექტრონულ ბაზაში, დარეგისტრირების მიზნით“, - აცხადებენ სამინისტროში.

შეხვედრაზე ასევე მსჯელობა გაიმართა სტიქიით დაზარალებული ოჯახების დახმარების მიზნით მოქმედ ნორმატიულ აქტებსა და ბოლო დროს მათში შესული ცვლილებების ირგვლივ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა