„საქართველოში არიან კონკრეტული პოლიტიკური ძალები, რომლებსაც, რა თქმა უნდა, აწყობთ დესტაბილიზაცია, თუმცა ხელისუფლება არის იმისათვის, რათა აღკვეთოს ყოველგვარი ასეთი აქტები საქართველოში“,-ამის შესახებ საქართველოს პარლამენტის თავმჯდომარემ ირაკლი კობახიძემ ჟურნალისტებს განუცხადა.

როგორც კობახიძემ აღნიშნა, ხელისუფლება არ დაუშვებს დესტაბილიზაციას და არავითარ აქტს, რომელიც  ქვეყნის არევას ემსახურება.

ჟურნალისტის კითხვაზე  იზიარებს თუ არა მოსაზრებას, რომ საქართველოში არსებობს დესტრუქციული ოპოზიციური ძალა?

კობახიძის თქმით,  იყო მკაფიო ნიშნები იმისა, რომ კონკრეტული პოლიტიკური ძალა ცდილობდა ბათუმში განვითარებული მოვლენები გამოეყენებინა საკუთარი პოლიტიკური მიზნებისთვის. 

„იყო კონკრეტული ნიშნები, მკაფიო ნიშნები იმისა, რომ კონკრეტული პოლიტიკური ძალა ცდილობდა ეს ყველაფერი, ეს ვანდალური აქტი გამოეყენებინა საკუთარი პოლიტიკური მიზნებისთვის, სოლილიდარობა გამოუცხადეს ასეთი სახით მოქმედ ადამიანებს. ეს, რა თქმა უნდა, ბადებს კითხვის ნიშნებს. კიდევ ერთხელ - ეს უნდა იყოს გამოძიების საგანი და გამოძიების საფუძველზე უნდა გაირკვეს, თუ ვის რა იურიდიული და ასევე პოლიტიკური პასუხისმგებლობა ეკისრება ამ საქმეში“,-აღნიშნა კობახიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს