თბილისში, საქართველოს პარლამენტის შენობასთან სამაუწყებლო კომპანია “რუსთავი 2”-ის მხარდამჭერი აქცია-კონცერტი მიმდინარეობს.

აქციაზე ტელეკომპანიის მხარდამჭერები, არასამთავრობო სექტორის და პოლიტიკური პარტიების წარმომადგენლები არიან შეკრებილი.

აქციის მონაწილეებს სიტყვით ტელეკომპანიის სახეები მიმართავენ და „რუსთავი 2“-ის ირგვლივ შექმნილ ვითარებაზე საუბრობენ.

მხარდამჭერებს პირველმა ტელეკომპანიის გენერალური დირექტორის მოადგილემ, ჟურნალისტმა ზაალ უდუმაშვილმა მიმართა და მათ მადლობა გადაუხადა:

„რომ არა თქვენ, დღეს „რუსთავი 2“ გამარჯვებას არ იზეიმებდა. მადლობას გიხდით თითოეულ მხარდამჭერს. ასევე განსაკუთრებული მადლობა მინდა გადავუხადო არასამთავრობო ორგანიზაციებს, რომლებიც გვერდში გვედგნენ. კიდევ ერთხელ მადლობა მინდა გადავუხადო „რუსთავი 2“-ის გუნდს და ერთი განსაკუთრებული მადლობა იმ ადამიანს, რომლისთვისაც პირადად არასდროს არ მითქვამს და ახლა ამ სცენიდან მინდა ვუთხრა, მადლობა ნიკა გვარამიას. მინდა გავიხსენო მაჰათმა განდის სიტყვები, ის ამბობდა - „მე ვიცი თავისუფლების აზრი, ამიტომ არასდროს შევუზღუდავ სხვას თავისუფლებას“. მადლობა მხარდაჭერისთვის“, - განაცხადა უდუმაშვილმა.

აქციის მონაწილეებისთვის კონცერტს ცნობილი მომღერლები, მათ შორის ტელეკომპანიის პროექტების გამარჯვებულები მართავენ.

ადგილზე 500-მდე ადამიანია შეკრებილი. აქციის გამო რუსთაველის გამზირის ნაწილი გადაკეტილია. მობილიზებულია საპატრულო პოლიციის სასწრაფო დახმარების ეკიპაჟები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T