საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, პრეზიდენტის მიერ წამოწყებული კამპანია კონსტიტუციის წერის პროცესში საზოგადოების ჩართულობას ემსახურება.

როგორც აბაშიშვილმა აღნიშნა, პრეზიდენტის ადმინისტრაცია თვლის, რომ ინიციატივის ფარგლებში, საკონსტიტუციო კომისიის მუშაობას დაეხმარება.

"ჩვენ ვიწყებთ კამპანიას "კონსტიტუცია ყველასია", რომელიც გულისხმობს საზოგადოების მაქსიმალურად ყველა წევრის ჩართვას, გააქტიურებას კონსტიტუციის წერის პროცესში. მიგვაჩნია, რომ კონსტიტუციის წერის პროცესში უნდა ჩაერთოს საქართველოს ყველა მოქალაქე და ვფიქრობთ, რომ სწორედ ამ მექანიზმების ამუშავებას უზრუნველვყოფთ. მივალთ თითოეულ მოქალაქეებთან, იმისათვის, რათა ისინი იყვნენ უფრო მეტად აქტიურები. მიგვაჩნია, რომ ამ პროცესით დავეხმარებით საკონსტიტუციო კომისიას, როდესაც დაიწყება სახალხო განხილვები იმ სამუშაო ვერსიის, რომელიც იქნება კომისიის მიერ წარმოდგენილი. იმისთვის, რომ ეს განხილვები იყოს უფრო კვალიფიციური, იყოს უფრო ხალხმრავალი და რეალურ შედეგზე დაყრდნობით და არა ისე, როგორც ეს წინა საკონსტიტუციო კომისიების შემთხვევაში ხდებოდა ხოლმე", - აღნიშნა აბაშიშვილმა.

რაც შეეხება პრეზიდენტის გასვლას რეგიონში, აბაშიშვილის თქმით, პირველი გასვლა თელავში, 13 მარტს არის დაგეგმილი.

ცნობისთვის, პრეზიდენტის ინიციატივით დღეს კამპანია "კონსტიტუცია ყველასია" დაიწყო. კამპანიის მიზანია კონსტიტუციის შექმნის პროცესში ხალხის ჩართულობა და მოქალაქეთა მონაწილეობის წახალისება მთელ საქართველოში, ასევე კონსტიტუციური ღირებულების შესახებ საზოგადოებაში ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად

რამდენიმე კვირაში შსს-ში შეიქმნება სამმართველო მოქალაქეთა ტოტალური კონტროლისთვის

მდინარაძე ამტკიცებს, რომ გამოხატვის თავისუფლების გამო დასჯა, არ არის თავისუფლების შეზღუდვა

რეჟიმი შსს-ში შექმნის სპეციალური სამმართველოს, რომლის ფუნქცია იქნება გამოავლინოს და დასაჯოს ოლიგარქის პარტიის კრიტიკოსები