სახელმწიფო უსაფრთხოებისა და კრიზისების მართვის საბჭოს  მდივნის მოადგილე კახა ოქროჯანაშვილი საქართველოში  ნატოს სამეკავშირეო ოფისის ხელმძღვანელს უილიამ ლაჰიუს  შეხვდა.

 მხარეებმა  განიხილეს   სახელმწიფო უსაფრთხოების და კრიზისების მართვის საბჭოს აპარატისა და ნატოს პროფესიული განვითარების პროგრამის მხარდაჭერის ფარგლებში  მიმდინარე პროექტები, მათი სამომავლო შედეგები  და მიზნები.

შეხვედრაზე შეთანხმდნენ მომავალი თანამშრომლობის გეგმაზე, რომლის ფარგლებშიც სახელმწიფო უსაფრთხოების და კრიზისების მართვის საბჭოს აპარატი და ნატოს სამეკავშირეო  ოფისის წარმომადგენლობა რეგულარულად გამართავენ შეხვედრებს.

შეხვედრას, რომელიც სახელმწიფო უსაფრთხოებისა და კრიზისების მართვის საბჭოს აპარატში გაიმართა, ესწრებოდნენ  საქართველოში  ნატო-ს სამეკავშირო ოფისის პოლიტიკური ოფიცერი დოქტორ თორსთენ  დერიკი, მრჩეველი  კრისტიან კოკვიკი,მერი გაბაშვილი, ნატო-ს პროფესიული განვითარების პროგრამის ხელმძღვანელი,  სახელმწიფო უსაფრთხოებისა და კრიზისების მართვის საბჭოს აპარატის თავდაცვის საკითხთა დეპარტამენტის დირექტორი ნიკოლოზ ქავთარაძე, ეკონომიკური უსაფრთხოების დეპარტამენტის დირექტორი ალექსანდრე რევია, ეკონომიკური უსაფრთხოების დეპარტამენტის უფროსი  მრჩეველი გრიგოლ მოდებაძე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T