მიზანი, სავარაუდოდ ეს არის ახალი პატრიარქის შესაძლო არჩევნებში ჩარევა და სასულიერო კანდიდატის გაყვანა, - ამის შესახებ "ევროპული საქართველოს" წევრმა გიგი უგულავამ ტელეკომპანია "პირველის" ეთერში განაცხადა.

როგორც თბილისის ყოფილმა მერმა აღნიშნა, "ციანიდის საქმეში" მთავრობა და პროკურატურა ძალიან გახლართულია. მისივე თქმით, "დღევანდელი მასალიდან ჩანს, რომ არ ჩანს მთვარი".

"მე რასაც ვუყურებ და ვისმენ, მე რასაც ვურთიერთობ, ბევრ ადამიანს ვიცნობ, მათ შორის ეკლესიაში, ახალი პატრიარქის არჩევნების დრო მოდის, ხელისუფლებამ დაიწყო იქ მოქმედება, სადაც არ უნდა დაეწყო. დღევანდელი მასალიდან ჩანს, რომ არ ჩანს მთვარი. მე და თქვენ შეგვიძლია ვისაუბროთ რაზეც გვინდა, მათ შორის "ციანიდზე". შეიძლება "ჟუჩოკი" იყოს ჩამაგრებული და ჩაიწეროს ვიღაცამ, მაგრამ ეს არ ნიშნავს, რომ მერე მე და თქვენ წავიდეთ, და ციანიდი ვიყიდოთ. მერე მე თუ ვიღაცამ ჩემოდანში ციანიდი ჩამიდო, ამ ჩვენს საუბარს გავიგეთ ჟურნალისტისგან, რომელიც სუს-ის თანამშრომელია, ამავდროულად არ უყიდია ეს ციანიდი", - აღნიშნა უგულავამ.

მისივე თქმით, დღევანდელი ჩანაწერებიდან ასევე გავიგეთ ისიც, რომ არ ვიცით ვისგან შეიძინა მამალაძემ ციანიდი.

"ასევე გავიგეთ ის, რომ არ ვიცით ციანიდი ვისგან იყიდა, ანუ იყიდა თუ არა შეიძლება ვივარაუდოთ იმით, რომ გუგლშია. ახლა თქვენ რომ დაგუგლოთ ციანიდი, ამის გამო შეიძლება თქვენ დაგიჭირონ? თუ ბარგი 6 საათი შენთან არ არის, თუ მყიდველი არ გყავს, ეს არის მთავარი მომენტი, თორემ თავისთავად , მე იმას კი არ ვიძახი, რომ როდესაც ასეთი ინფორმაცია არსებობს, რომ ვიღაც სასულიერო პირი ცდილობს იყიდოს და ინტერესდება ციანიდის ნატრიუმის ყიდვით, ის, რომ შენ გამოძიება დაიწყო, ეს პირიქით კარგია. მაგრამ ჩვენ ხო ვხედავთ მიზანი და ამოცანა ამ გამოძიების აბსოლუტურად სხვა არის. მიზანი, სავარაუდოდ ეს არის ახალი პატრიარქის შესაძლო არჩევნებში ჩარევა და სასულიერო კანდიდატის გაყვანა", - აღნიშნა გიგი უგულავამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“.

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T

თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება