„ქვეყანაში დემოკრატიული მდგომარეობა, ადამიანის უფლებები, მედია პლურალიზმი, პოლიტიკური გამოხატვის თავისუფლება, ინსტიტუტების მდგრადობა, ბუნებრივია,  არის ჩემი პოლიტიკური პასუხისმგებლობის შემადგენელი ნაწილი, - ასე უპასუხა საქართველოს პრეზიდენტმა ტელეკომპანია „მაესტროს“ შეკითხვას, რომელიც „რუსთავი2“-თან დაკავშირებით, უზენაესი სასამართლოს როლს ეხებოდა.

კერძოდ, ჟურნალისტი დაინტერესდა, როგორ შეაფასებდა პრეზიდენტი სასამართლოს გადაწყვეტილებას და იმ ფონზე, როცა 9-დან რამდენიმე მოსამართლე უშუალოდ მისი წარდგინებითაა დანიშნული,  არის თუ არა გიორგი მარგველაშვილის მხრიდან ირიბი პასუხისმგებლობა.

მარგველაშვილი საქმის სამართლებრივ მხარეზე საუბრისგან თავს იკავებს, თუმცა ამბობს, რომ „სასამართლო პროცესს თან ახლდა ძალიან მძიმე პოლიტიკური შემადგენელი“, რაც გამოიხატებოდა პოლიტიკოსების მხრიდან ღია ეთერის მეშვეობით გაკეთებულ შეფასებებით:

„ხაზგასმით არ გავაკეთე განცხადება თვითონ სასამართლოს გადაწყვეტილებაზე, მიმაჩნია, ხელისუფლების დაყოფა და დიფერენციაცია სწორედ ამას ეხება, რომ არ უნდა იყოს ჩემი ჩარევა სასამართლო პროცესში, მაგრამ მინდა, ყველას შეგახსენოთ, სამწუხაროდ, ამ სასამართლო პროცესს თან ახლდა ძალიან მძიმე პოლიტიკური შემადგენელი, რომელიც არა კულუარულად, არამედ ღია ეთერით გვესმოდა, ძალიან მძიმე შეფასებები პოლიტიკოსებისა და პოლიტიკოსების ჩარევა ღიად განცხადებების ფორმით ამ პროცესის მიმდინარე დეტალებზე. შესაბამისად, არ გავაკეთებ არავითარ განცხადებას არც სასამართლოს შემადგენლობაზე, არც გადაწყვეტილებაზე, მაგრამ მოგახსენებთ პოლიტიკურ ნაწილს ამ პროცესისას, პოლიტიკურად ქვეყანაში დამოუკიდებელი და კრიტიკული, თანაც ასეთი რეიტინგული მედიისთვის სირთულეების შექმნა, ესაა პოლიტიკური პრობლემა. დანარჩენი საკითხები სასამართლო დავის თემაა“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ