საპარლამენტო უმრავლესობის წევრის ზაქარია ქუცნაშვილის განცხადებით, პროტესტის გამოხატვის უფლება კანონით ნებადართული ფორმებით ყველას აქვს და დღეს „რუსთავი2“-თან   სწორედ საპროტესტო პროცესი მიმდინარეობს.

როგორც ქუცნაშვილმა „ექსპრესნიუსთან“ საუბარში აღნიშნა, დარწმუნებულია, პროტესტის კანონიერი ფორმა დაცული იქნება და ყველაფერი მშვიდობიანად ჩაივლის:

„მიმდინარეობს  საპროტესტო პროცესი, რისი უფლებაც ყველას აქვს.  აქიდან გამომდინარე , პროტესტის გამოთქმის უფლება კანონით ნებადართული ფორმებით ყველას აქვს.

ყველაფერი იქნება მშვიდობიანად, პროტესტს თავისი გამოხატულების ფორმა აქვს და დარწმუნებული ვარ, პროტესტის კანონიერი ფორმა დაცული იქნება“,-განაცხად ზაქარია ქუცნაშვილმა.

რაც შეეხება იმას, თუ რამდენად სამართლიანია უზენაესი სასამართლოს გადაწყვეტილება, ქუცნაშვილი ამბობს, რომ გადაწყვეტილებას არ გაცნობია და შეფასებას ვერ გააკეთებს:

„გავეცნობი გადაწყვეტილებას და შემდეგ გადავალ შეფასების ეტაპზე“,-განმარტა ზაქარია ქუცნაშვილმა.

შეგახსენებთ, საქართველოს უზენაესმა სასამართლომ გუშინ რუსთავი 2-ის საქმეზე გადაწყვეტილება მიიღო, რომლის თანახმადაც, ტელეკომპანიის წილის 60%-ის მესაკუთრე ქიბარ ხალვაშია, ხოლო 40%-ის შპს „პანორამა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ