„კიდევ უფრო მეტი შეკითხვა გაგვიჩნდა, როდესაც ბრალდებულისგან ინფორმაცია მოვისმინეთ. ბუნებრივია დაისმება შეკითხვები და ბრალდებულს მოუწევს ყველა შეკითხვას გასცეს პასუხი“, - ამის შესახებ #9-ე პენიტენციური დაწესებულების დატოვების შემდეგ, ე.წ. ციანიდის საქმის პროკურორმა ჯარჯი წიკლაურმა ჟურნალისტებს განუცხადა.

როგორც წიკლაურმა აღნიშნა, ვინაიდან, ბრალდებულისგან ინფორმაციის მიღება არ დასრულებულა და კიდევ ბევრი შეკითხვა უნდა დაისვას, ამ ეტაპზე რაიმე სამართლებრივი დასკვნის გაკეთება არასერიოზული იქნება.

“დადებითად ვაფასებთ, რომ ბრალდებულმა გადაწყვიტა ჩვენების მიცემა. ჩვენი მიზანია პირველ რიგში სრულყოფილი, ობიექტური გამოძიების ჩატარება და რეალური გარემოებების დადგენა. ბრალდებულმა მოგვცა ჩვენება, თუმცა ვინაიდან საკმაოდ ვრცელია ინფორმაცია, რასაც გვაწვდის იგი, სრულყოფილად ვერ მოხერხდა ყველა შეკითხვის დასმა. დაკითხვა 8 საათის განმავლობაში მიმდინარეობდა. ამას ემატება შესვენებისათვის განკუთვნილი დროც. საკმაოდ ვრცელია ეს ინფორმაცია, რაზეც საუბრობს ბრალდებული. აქედან გამომდინარეც ბევრი შეკითხვა და დღეისთვის ვერ მოხერხდა ამ კითხვების დასმა. კიდევ უფრო მეტი შეკითხვა გაგვიჩნდა, როდესაც დღეს ინფორმაცია მოვისმინეთ. ბუნებრივია დაისმება შეკითხვები და ბრალდებულს მოუწევს ყველა შეკითხვას გასცეს პასუხი. ვინაიდან არ დასრულებულა ბრალდებულისგან სრულყოფილი ინფორმაციის მიღება და კიდევ ბევრი შეკითხვა უნდა დაისვას, დღეისთვის სამართლებრივი შეფასება და რაიმე დასკვნის გაკეთება არის არასერიოზული. გაგრძელდება დაკითხვა, დაისმება ყველა შეკითხვა და  მხოლოდ მას შემდეგ გავაკეთებ სრულყოფილ სამართლებრივ განმარტებას. პირველივე შესაძლებლობისთანავე ბრალდებულის დაკითხვა გაგრძელდება“, - განაცხადა ჯარჯი წიკლაურმა.

ცნობისთვის, ე.წ მატროსოვის ციხეში დეკანოზ გიორგი მამალაძის დაკითხვა 8 საათის განმავლობაში მიმდინარეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი