„საქართველოს ხელისუფლება სრულად აცნობიერებს იმ პასუხისმგებლობას, რომელიც უვიზო მიმოსვლის რეჟიმის ამოქმედებას უკავშირდება“, - ამის შესახებ საქართველოს პრემიერ-მინისტრმა გიორგი კვირიკაშვილმა ევროკომისარ დიმიტრის ავრამოპულოსთან ერთად გამართულ პრესკონფერენციაზე განაცხადა.

როგორც პრემიერმა აღნიშნა, მთავრობა შესაძლო რისკების თავიდან ასაცილებლად რიგ პრევენციულ ღონისძიებებს ახორციელებს, მათ შორის ფართომასშტაბიან საინფორმაციო კამპანიას უვიზო მიმოსვლის წესების შესახებ.

„ევროკავშირთან სავიზო რეჟიმის ლიბერალიზაცია, ხელშესახები კონკრეტული სარგებლის მომტანი იქნება საქართველოს მოქალაქეებისთვის. უვიზო მიმოსვლა ევროკავშირის წევრ ქვეყნებში, ჩვენ საზოგადოებებში მჭიდრო ტურისტული, საგანმანათლებლო, კულტურული და ბიზნეს ურთიერთობების ჩამოყალიბებას შეუწყობს ხელს და წვლილს შეიტანს საქართველოში ევროპული ფასეულობებისა და იდეების დამკვიდრებასა და განმტკიცებაში. მნიშვნელოვანია, რომ უვიზო მიმოსვლასთან დაკავშირებული ყველა სარგებელი ხელმისაწვდომი იქნება ოკუპირებულ ტერიტორიებზე მცხოვრები ჩვენი თანამოქალაქეებისათვის. საქართველოს ხელისუფლება სრულად აცნობიერებს იმ პასუხისმგებლობას, რომელიც უვიზო მიმოსვლის რეჟიმის ამოქმედებას უკავშირდება. ჩვენ ვახორციელებთ მთელ რიგ პრევენციულ ღონისძიებებს შესაძლო რისკების თავიდან ასაცილებლად, მათ შორის ფართომასშტაბიან, ინტენსიურ საინფორმაციო კამპანიას უვიზო მიმოსვლის წესების შესახებ. ჩვენი მოლოდინია, რომ საქართველოს თითოეული მოქალაქე განსაკუთრებული პასუხისმგებლობით მოეკიდება საკუთარ ვალდებულებებს და ზედმიწევნით დაიცავს უვიზო მიმოსვლის პირობებს. სავიზო რეჟიმის ლიბერალიზაციის ფარგლებში გატარებული რეფორმები, საქართველოს მთავრობის დღის წესრიგის განუყოფელი ნაწილია და შესაბამისად, ჩვენი ძალისხმევა ამ მიმართულებით გრძელდება. ეს უწყვეტი და მდგრადი პროცესია, რომელშიც ჩვენ კვლავ გვაქვს ევროკავშირის მტკიცე მხარდაჭერა“, - განაცხადა პრემიერმა.

გიორგი კვირიკაშვილმა მადლობა გადაუხადა საკუთარი გუნდის წევრებს, ასევე ევროკომისარ დიმიტრის ავრამოპულოსს, ევროკავშირის ელჩს საქართველოში იანოშ ჰერმანს და ევროკავშირის წევრი ქვეყნების ელჩებს.  

„მე მინდა კიდევ ერთხელ მადლობა გადავუხადო ჩემი გუნდის ყველა წევრს გაწეული დიდი ძალისხმევისთვის. მინდა დიდი მადლობა გადავუხადო ჩვენს მეგობარს, ევროკომისარ ავრამოპულოსს გაწეული ძალისხმევისთვის. ასევე მადლობას ვუხდი ევროკავშირის ელჩს საქართველოში ბატონ იანოშ ჰერმანს უდიდესი მხარდჭერისთვის მთელი ამ ხნის განმავლობაში და რა თქმა უნდა ევროკავშირის წევრი ქვეყნების თითოეულ ელჩს იმ სამუშაოსთვის, რომელიც მათ გასწიეს საქართველოში. გილოცავთ დღევანდელ დღეს“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი