ფრაქცია „საქართველოს პატრიოტები“  ფარული საგამოძიებო მოქმედებების შესახებ კანონპროექტს მხარს არ დაუჭერენ. როგორც ფრაქციის წევრმა ადა მარშანიამ განაცხადა, არ არის გაზიარებული პრინციპი, რომ მოსმენების სამსახური იყოს დამოუკიდებელი სტრუქტურა და არა - სუსის დაქვემდებარებაში.

ამასთან, ადა მარშანია კანონპროექტის განხილვის დროს საკანონმდებლო ორგანოში მიმდინარე დებატებს გამოეხმაურა. ადა მარშანიამ  „ნაციონალური მოძრაობა“ და საპარლამენტო უმცირესობა გააკრიტიკა. გარდა ამისა, „ქართულ ოცნებას“ მოუწოდა, არ მიიღონ კანონები, რომლებიც მათ ხელისუფლებაში ყოფნას გააგრძელებს: 

„არ შემიძლია არ გამოვეხმაურო ე.წ. დებატებს, რომელიც ამ დარბაზში მიმდინარეობდა. ბატონებო, ოპოზიცია რომ გქვიათ  და „ქართული ოცნება“, რომ პატივცემულს გეძახით რატომღაც, თქვენი მოგონილია მოსმენების სამსახურის ასეთი არნახული მასშტაბით და ასეთი ცინიკური ფორმით გამოყენება, უამრავი ადამიანების ცხოვრების დანგრევა და დაკნინება. ამ დღეებში ეს ყველაფერი, ვითომ დებატები და განხილვა ამ კანონპროექტის, ეს იყო ცინიზმი თავხედობა და ფარსი, მხოლოდ პიარისთვის განკუთვნილი. თქვენ არაფერი გამოგივათ ასეთი დადგმებით აქ. ჩვენ არასოდეს დაგვავიწყდება თქვენი მოღვაწეობა.

პატივცემულო „ქართულო ოცნებავ“, ჩვენ ვართ ოპოზიცია პარლამენტში და არა გერი ოპოზიცია, თქვენ აქ შვილი ოპოზიცია გყავთ „ნაციონალური მოძრაობის“ სახით, ჩვენ თავს ვგრძნობთ გერად ამ პარლამენტში და მინდა შეგახსენოთ, რომ თქვენ ნუ დადგებით იმ გზაზე, რასაც ჰქვია დამნაშავეების ხელის დაფარება და ნუ იღებთ ისეთ კანონებს, რომელიც თქვენს ხელისუფლებას ამყარებს და აგრძელებს. მიშას ემართებოდა ეს და ძალიან ცუდად დაამთავრა“,-აღნიშნა ადა მარშანიამ. ის ინიციატივით გამოვიდა, პარლამენტმა სააკაშვილის ხელისუფლების დროს მიღებული მანკიერი კანონების ნუსხა შეადგინოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი