ფარულ ჩანაწერებთან დაკავშირებით საქალაქო სასამართლოში, ამავე სასამართლოს ყოფილი თავმჯდომარის მამუკა ახვლედიანის გამოკითხვა მიმდინარეობს.

გამოკითხვაზე შესვლამდე ჟურნალისტებთან საუბრისას ერთ-ერთი მედიის წარმომადგენელმა ახვლედიანს ჰკითხა - „სკანდალურ გადადგომაში უფრო მეტს სთავაზობდნენ თუ ურთმელიძის მოთოკვაში“.

საპასუხოდ, ახვლედიანმა აღნიშნა, რომ ამ ტიპის კითხვები სამარცხვინოა და ჟურნალისტს მოსამართლესთან საუბრის დროს კორექტულობისკენ მოუწოდა.

„სად ნახეთ სკანდალური გადადგომა? ცერცვაძე-ჩინჩალაძე თამაშობს გვარამიას თამაშს ?! ამას ამბობთ?! გვარამიას უნდოდა ალბათ სკანდალური გადადგომა, გადამაყენა ცერცვაძე-ჩინჩალაძემ, მაშინ ვით თამაშობს ამ თამაშს, მე?! სხვა ტიპის კითხვა დასვით, სირცხვილია უბრალოდ. ცოტა ღირსება იქონიეთ, როდესაც მოსამართლეს ესაუბრებით და სხვასთან მოიკითხეთ ეს თემები. გამოძიება დაადგენს, ეს გამოძიება თუ არა სხვა, რა იყო და როგორ“, - განაცხადა მამუკა ახვლედიანმა.

ახვლედიანს  პასუხის გაცემა მისი შვილის ქორწილის ხარჯებთან და ჩეხეთსა და იტალიაში შესაძლო ბიზნესების ფლობასთან დაკავშირებითაც მოუწია.

„ქორწილი ეხება გოგონას და ქართული წესით თქვენც იცით, როგორ ხდება, ეს ერთი და მეორე, ჩეხეთსა და იტალიაზე მკითხეთ, ესაა სირცხვილი და ძალიან საინტერესოა, ამ ტიპის აზრებს ვინ ავრცელებს“, - აღნიშნა მამუკა ახვლედიანმა.

შეგახსენებთ,  საქალაქო სასამართლოში, მამუკა ახვლედიანის გამოკითხვა მიმდინარეობს. საქმე ეხება შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარ სამმართველოში მიმდინარე გამოძიებას ტელეკომპანია „რუსთავი 2“-ის გენერალური დირექტორის, ნიკა გვარამიას კომპიუტერულ სისტემაში უნებართვო შეღწევის, მისი და მამუკა ახვლედიანის პირადი საუბრის ამსახველი ვიდეოჩანაწერის უკანონოდ მოპოვებისა და გავრცელების ფაქტზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი