დეკანოზი გიორგი მამალაძის მშობლების განცხადებით, მათ საგამოძიებო უწყებიდან დღემდე არავინ დაკავშირებიათ, თუმცა მათივე თქმით, უსაფრთხოების დაცვასთან დაკავშირებით, მამა გიორგის მსგავსი განცხადების გაკეთების საფუძველი სავარაუდოდ აქვს.

„მამა გიორგის დაჭერის დღიდან, როდესაც ეს ამბავი გავიგეთ, არავინ მოსულა, არც დაცვაზე შემოსულა ვინმე და ამბავიც არ უკითხავთ. მამა გიორგი მამალაძე კიდევ ერთხელ დაჟინებით მოითხოვს, რომ მისი ოჯახი განსაკუთრებულად იყოს დაცული. ალბათ, მას ამის საფუძველი აქვს“, - განაცხადა დეკანოზ გორგი მამალაძის დედამ.

ჟურნალისტის კითხვაზე - იცნობს თუ არა ოჯახი საქმის ერთ-ერთ მოწმე ირაკლი მამალაძეს, დაკავებულის მშობლები უაყოფითად პასუხობენ. 

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს და დუმილის უფლებას იყენებს.

ცნობისთვის, 14 თებერვალს, სახალხო დამცველი უჩა ნანუშავილი ე.წ მატროსოვის ციხეში იმყოფებოდა. ნანუაშვილის ინფორმაციით, დაკავებული ოჯახის უსაფრთხოების დაცვას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი