საქალაქო სასამართლოში ნიკა გვარამიას გამოკითხვა დასრულდა

2017-02-16 12:39:33, 2318 ნახვა

სამართალი

თბილისის საქალაქო სასამართლოში სამაუწყებლო კომპანია „რუსთავი 2“-ის გენერალური დირექტორის, ნიკა გვარამიას გამოკითხვა დასრულდა.

როგორც გვარამიამ აღნიშნა, გამოძიება აუდიო ჩანაწერის შინაარსისა და მასში მონაწილე მესამე პირის ვინაობის გარკვევას ცდილობდა, თუმცა იგი აღნიშნული პირის ვინაობის დასახელებას არ აპირებს.

შეგახსენებთ, რომ 2016 წლის 4 ოქტომბერს www.youtube.com-ზე გამოქვეყნდა ნიკა გვარამიასა და მამუკა ახვლედიანს შორის პირადი საუბრის ამსახველი ჩანაწერი. ამავე დღეს გამართულ ბრიფინგზე რუსთავი 2-ის გენერალურმა დირექტორმა განაცხადა, რომ თბილისის საქალაქო სასამართლოს თავმჯდომარესთან საუბარი ფარულად მან ჩაიწერა, ინტერნეტ სივრცეში გავრცელებული ვერსია კი, ამ საუბრის ჩანაწერის დამონტაჟებული ვერსიაა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან