სასჯელაღსრულების სისტემაში გათავისუფლებისთვის მომზადების თავისუფლების აღკვეთის დაწესებულება იქმნება, რომელშიც მსჯავრდებულები გათავისუფლებისთვის  მომზადდებიან. ამის შესახებ "ექსპრენიუსს" უწყებიდან აცნობეს.

მათი ინფორმაციით, ახალი ტიპის დაწესებულების შექმნის მიზნებსა და უპირატესობებზე სასჯელაღსრულებისა და პრობაციის მინისტრმა კახა კახიშვილმა პარლამენტის ადამიანის უფლებათა და სამოქალაქო ინტეგრაციის კომიტეტის სხდომაზე ისაუბრა.

მინისტრის თქმით, უწყება უზრუნველყოფს მსაჯვრდებულისთვის სასჯელის მოხდის ღირსეული პირობების შექმნას, თუმცა, ასევე, ზრუნავს იმაზე, რომ გათავისუფლების შემდეგ, პირმა მარტივად შეძლოს გარემოსთან ადაპტაცია. 

„ჩვენთვის პატიმართა რესოციალიზაცია პრიორიტეტულია. ამ მხრივ, მსჯავრდებულებს მრავალფეროვან პროგრამებს ვთავაზობთ.  ადამიანს გათავისუფლების შემდეგ საკუთარი თავის, ოჯახის შენახვის საშუალება უნდა ჰქონდეს. უნდა შეეგუოს გარე სამყაროს ისე, რომ კანონთან კონფლიქტში აღარ მოვიდეს. განსაკუთრებით მძიმე კატეგორიის დანაშაულისთვის პირს, ციხეში მრავალი წლის გატარება უწევს და რეალურად, სულ სხვა გარემოში თავისუფლდება.  გარესამყაროსთან ადაპტაციისა და განმეორებითი დანაშაულის პრევენციის მიზნით, საჭიროა სხვადასხვა სახის პროგრამა“, - განაცხადა მინისტრმა.  

გათავისუფლებისთვის მომზადების თავისუფლების აღკვეთის დაწესებულებაში  დაბალი რისკის პატიმრები განთავსდებიან, რომლებსაც სასჯელის ვადის ამოწურვამდე 6 თვე ექნებათ დარჩენილი. მათ საშუალება მიეცემათ უქმე დღეებში დატოვონ დაწესებულება, მოიგვარონ სხვადასხვა სახის საყოფაცხოვრებო საკითხები, ასევე, დასაქმდნენ და სამსახურიდან შესაბამისი ცნობის წარდგენის შემდეგ, პენიტენციური დაწესებულებიდან მუშაობის მიზნით, სამუშაო დღეებშიც გავიდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს