საპარლამენტო უმრავლესობის წევრის ეკა ბესელიას განცხადებით, პატრიარქის უსაფრთხოება გარანტირებულია.

მისივე თქმით, პრემიერის გადაწყვეტილებით ბერლინში იმყოფება სპეციალური დაცვის სამსახურის უფროსი ანზორ ჩუბინიძე.

"გამოძიება კონფიდენციალურ ფორმატში მიმდინარეობს, მე დეტალებზე ინფორმაცია ბუნებრივია არ მაქვს, ძალიან მძიმე დანაშაულის ჩადენა იქნა თვიდან აცილებული. დაველოდოთ გამოძიების შედეგებს, ყველა ფაქტი დეტალურად იქნება გამოძიებული, მეტი ინფორმაცია გვექნება, როგორც კი კანონით იქნება შესაძლებელი ა მ ინფორმაციის მიღება. რაც მთავარია პატრიარქის უსაფრთხოებაზე მაქსიმალური ზომებია მიღებული.  მზადდებოდა მძიმე დანაშაული, კონკრეტულად ვის მიერ, ვის მიმართ და რა ფორმით ამაზე მოგვიანებით ისაუბრებს პროკურატურა. ჩვენ ზოგადი ინფორმაცია გვაქვს ამ საქმესთან დაკავშირებით. ამ საქმეს ადევს გრიფი, წინასწარ პატიმრობაზე ბრძანება გაცემულია უკვე, დეტალებზე მეტს ვერ ვისაუბრებ. პატრიარქი, როგორც ჯანმრთელობის თვალსაზრისით, ასევე უსაფრთხოების თვალსაზრისით, არის დაცული და მასზე კონტროლი ხორციელდება სახელმწიფოს მხრიდან პრემიერის უშუალო დავალებით",-აღნიშნა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა