საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი გადაცემა „არჩევანში“ საკრებულოს დამოუკიდებელი დეპუტატის, ალეკო ელისაშვილის განცხადებას გამოეხმაურა, რომლის მიხედვითაც, სუბარი მას ირაკლი თამაზ თამაზაშვილის თანამესაკნის, ლუგარ ალიევის შეწყალებას სთხოვდა.

სუბარის მტკიცებით,  აღნიშნული სახელი და გვარი მან პირველად ტელევიზიით გაიგო.

 „ლუგარ ალიევის სახელი და გვარი პირველად გავიგე, როდესაც ტელევიზორში გამოაცხადეს. დავინტერესდი, ვინ იყო, ბუნებრივია არანაირი შეხვედრა და მსგავსი საუბარი არ ყოფილა. დავინტერესდი, ვინ იყო და გავარკვიე, რომ ის გაუთავისუფლებია პრეზიდენტს და დარწმუნებული ვარ, არ გაათავისუფლებდა, რომ არ ჰქონოდა საფუძველი. თუ ელისაშვილს პროტესტი ჰქონდა, თავად იყო შეწყალების კომისიის თავმჯდომარე. მეორე, აღმოჩნდა, რომ ეს ადამიანი, რაც მე მინისტრი ვიყავი, იჯდა ნომერ მე-8 საპყრობილეში, რომელიც იმ დროისთვის ყველაზე მკაცრი დაწესებულება იყო. ეს ყველაფერი გავარკვიე მაშინ, როდესაც ელისაშვილის განცხადება მოვისმინე.  ალეკო ელისაშვილთან უამრავჯერ მქონია კომუნიკაცია. ეს ჩემი მოვალეობა იყო. დიდი ხნის განმავლობაში ვმეგობრობდით კიდეც. როგორც მინისტრს, მე პრეზიდენტებთანაც მქონდა კომუნიკაცია. ამ კონკრეტულ ადამიანზე მსგავსი რამ არ მომხდარა“,- განაცხადა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი