რუსეთის საგარეო საქმეთა მინისტრი გრიგორი კარასინი, ევროპარლამენტის მიერ საქართველოსთვის უვიზო მიმოსვლის მხარდაჭერას მიესალმება.

INTERFAX-ის ინფორმაციით, კარასინმა აღნიშნა, რომ საქართველომ ევროკავშირის ყველა წინაპირობა შეასრულა.

"ევროპარლამენტის მიერ მიღებული გადაწყვეტილება, საქართველოსთვის უვიზო მიმოსვლის დაწესების თაობაზე პოზიტიური ფაქტია. საქართველო ბოლო 5 წლის განმავლობაში აღნიშნული მიმართულებით აქტიურად მუშაობდა და ევროკავშირის მოთხოვნებს ასრულებდა. ვიმედოვნებთ, რომ ევროკავშირი შეზღუდვებს სამხრეთ ოსეთისა და აფხაზეთის მოქალაქეებისთვისაც მოხსნის. ევროპა, მათ ვიზებს არ აძლევს და არგუმენტად მოაქვთ, ის რომ ეს ადამიანები, საქართველოს მოქალაქეები არ არიან. ასეთი მიდგომა არაჰუმანურია", - განაცხადა კარასინმა.

მისივე ინფორმაციით, რუსული მხარე ევროკავშირთან ოკუპირებული აფხაზეთისა და დე ფაქტო სამხრეთ ოსეთის მოქალაქეებისთვის უვიზო მიმოსვლის თაობაზე, საკითხს დააყენებს.

"რაც შეეხება საქართველოსა და რუსეთს. ჩვენ არაფერი გვაქვს საწინააღმდეგო საქართველოს უვიზო მიმოსვლასთან დაკავშირებით, მაგრამ ჩვენ არ გვაქვს დიპლომატიური ურთიერთობები. ეს ორი თემა ურთიერთდამოკიდებულია. ამ მიმართულებით მუშაობაა საჭირო", - აღნიშნა გრიგორი კარასინმა.

შეგახსენებთ, რომ 2 თებერვალს ევროპარლამენტმა საქართველოს ვიზალიბერალიზაციას მხარი დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა