|
2017-02-04 16:33:09, 2638 ნახვა
მსოფლიო
მილიარდერმა ვინსენტ ვიოლამ აშშ-ის არმიის მინისტრის პოსტზე უარი განაცხადა
მილიარდერმა ვინსენტ ვიოლამ, ამერიკის შეერთებული შტატების არმიის მინისტრის პოსტზე, რომელზეც ის პრეზიდენტმა დონალდ ტრამპმა წარადგინა, უარი განაცხადა, - ამის შესახებ USA Today იუწყება. მედია საშუალების ინფორმაციით, პოსტზე უარის თქმის მიზეზად ვიოლას ბიზნეს საქმიანობა სახელდება. კერძოდ, მილიარდერი ვერ შეძლებს ერთდროულად მინისტრის პოსტის დაკავებას და ბიზნეს საქმიანობის გაგრძელებას. პენტაგონის ხელმძღვანელის ჯეიმს მეტისის განცხადებით, ვიოლას გადაწყვეტილება სამწუხაროა, თუმცა ის მას პატივს სცემს. თავდაცვის მინისტრის თქმით, ის დონალდ ტრამპს აღნიშნულ თანამდებობაზე ახალ კანდიდატურას შესთავაზებს. ამასთან, ვინსენტ ვიოლას აღნიშნა, რომ მისთვის დიდი პატივია პრეზიდენტის მხრიდან აღნიშნული შემოთავაზება და ის დონალდ ტრამპის ადმინისტრაციის მხარდაჭერას გააგრძელებს. ცნობისთვის, აშშ-ის არმიის სამინისტრო თავდაცვის უწყების შემადგენლობაში შედის. სამინისტროს ხელმძღვანელი პასუხისმგებელია ადამიანურ რესურსებზე, პერსონალზე, რეზერვების მდგომარეობაზე, შეიარაღების სისტემაზე და ასევე, კომუნიკაციასა და უწყების ფინანსირებაზე. მის კანდიდატურას ქვეყნის პრეზიდენტი წარადგენს, ხოლო სენატი მის დამტკიცებას უყრის კენჭს. გარდა ამისა, აღნიშნული უწყება არ შედის მინისტრთა კაბინეტში და მხოლოდ პენტაგონის დაქვემდებარებაშია. 60 წლის მილიარდერი ვინსენტ ვიოლა აშშ-ის არმიის ვეტერანია. ის სავაჭრო კომპანია Virtu Financia-ს დამფუძნებელი და თავმჯდომარეა. გარდა ამისა, მას ეკუთვნის ჰოკეის გუნდი "ფლორიდა პანტერსი". Forbes-ის ინფორმაციით, მისი ქონება 2 მილიარდ დოლარს შეადგენს.
საქართველოს ბანკის და კომაროვის ყველაზე მასშტაბური STEM ოლიმპიადის გამარჯვებული ცნობილია
სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა
AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები
სტუდიო ლიბერთი Global Tech Weekend Tbilisi 2026-ის მთავარი პარტნიორია
|
რედაქტორის რჩევით
რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის
პოლიციის მიერ გორში ნაცემ ახალგაზრდებს საქმეზე საუბარი შანტაჟით აუკრძალეს, გაუთქმელობაზე მოაწერინეს ხელი ადვოკატსაც
ომი უკრაინაში
უკრაინაში რუსული არმია დღეში 300 ადამიანს კარგავს
რუსეთის არმიამ ხარკოვი დრონებითა და რაკეტებით დაბომბა, სამი ადამიანი დაიღუპა და 20-ზე მეტი დაშავდა.
ვიდეო/LIVE პატრიარქის ილია მეორის დაკრძალვა - პირდაპირი
ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება
დღის თემა
რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)