აჭარის მთავრობის თავმჯდომარე ზურაბ პატარაძე საქართველოს შერიგებისა და სამოქალაქო თანასწორობის საკითხებში სახელმწიფო მინისტრთან ქეთევან ციხელაშვილთან და აჭარის განათლების, კულტურისა და სპორტის მინისტრთან ინგა შამილიშვილთან ერთად ფერიის საჯარო სკოლას ეწვია, სადაც აფხაზური ენის სწავლების ჯგუფების გახსნის ღონისძიებას დაესწრო. 

ზურაბ პატრაძემ მინისტრებთან ერთად ამ ჯგუფებისთვის გამოყოფილი სპეციალური კლასები დაათვალიერა და მოსწავლეებს და პედაგოგებს შეხვდა. მოეწყო გამოფენა აფხაზების აჭარაში დამკვიდრებასთან დაკავშირებით, სადაც ხელოვანების კლუბის ნამუშევრები იყო წარმოდგენილი. სკოლის მოსწავლეების მონაწილეობით გაიმართა თეატრალური წარმოდგენა ,,ჩვენ დავბრუნდებით". სპექტაკლში აფხაზურმა დიალოგებმაც გაიჟღერა.

წარმოდგენის დასრულების შემდეგ დარბაზში მყოფ საზოგადოებას აჭარის მთავრობის თავმჯდომარემ და მინისტრებმა სიტყვით მიმართეს. ,,ძალიან მნიშვნელოვანი ინიციატივაა. რამოდენიმე თვის წინ ჩვენ გვქონდა შეხვედრა აფხაზური დიასპორის წარმომადგენლებთან. იქ დაისვა საკითხი აჭარაში აფხაზური ენის შემსწავლელი კურსების შექმნასთან დაკავშირებით. ჩვენ გავითვალისწინეთ ეს თხოვნა და ერთობლივი მუშაობის შედეგად დღეს, პირველად, ორ საჯარო სკოლაში ჩვენს თანამემამულეებს აფხაზური ენის შესწავლის საშუალება მიეცათ. რეგიონში გვყავს არაერთი წარმატებული აფხაზი. აჭარაში 2000-მდე შერეული ქართულ-აფხაზური ოჯახი ცხოვრობს. ისინი ძალიან მნიშვნელოვან საქმეს აკეთებენ, ემსახურებიან სამშობლოს, მშვიდობას, ურთიერთობების დამყარებას, გაძლიერებას და შენარჩუნებას, რაც ძალიან მნიშვნელოვანია ჩვენი ქვეყნის მშვიდობიანი მომავლისთვის" - აღნიშნა ზურაბ პატარაძემ შეხვედრაზე.

დღევანდელი ღონისძიება აჭარის განათლების, კულტურისა და სპორტის სამინისტროს ორგანიზებით და აჭარის განათლების ფონდის მხარდაჭერით გაიმართა. განათლების ფონდის მიერ პედაგოგებთან გაფორმდა ხელშეკრულების საფუძველზე თითოეული ჯგუფისათვის კვირაში 4 საათი ჩატარდება.

განათლების ფონდი უზრუნველყოფს სახელმძღვანელოებით მომარაგებასაც. სკოლის ინიციატივით სპეციალურად დაიბეჭდა აფხაზური ენის 1991 წელს გამოცემული სახელმძღვანელო დედა ენა და ასევე, აფხაზური ენის თვალსაჩინო ანბანი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის