„5 ათასია ლარი არის ის მინიმუმი, რითაც საქართველოში დღეს, შეიძლება კარგი მინისტრი დაიქირავო“,-ამის შესახებ ექს  პერმიერ-მინისტრმა ბიძინა ივანიშვილმა გადაცემა 20/30-ში  მთავრობის წარმომადგენლების ხელფასებთან და პრემიებთან დაკავშირებით განაცხადა.

როგორც ივანიშვილმა აღნიშნა, პრემიების გამოწერა მისი  პრემიერობის დროსაც ხდებოდა და აღნიშნა, რომ  დღევანდელმა მთავრობამ ამ კუთხით გარკვეულ კონდინციამდე მისვლა შეძლო.

„ჩემს დროსაც ხდებოდა ასეთი პრემიერის გამოწერა, რაზეც ჩემი პრემიერობის დროს საზოგადოებას  ჰქონდა ამაზე რეაქცია, შემდეგ ეს გაგრძელდა და მიიღო ამან კულმინაცია.  ამ მხრივ მთავრობამ მოახერხა რაღაც კონდინციამდე მისვლა, თუმცა ეს კონტროლი უნდა გაგრძელდეს და თვალი არ უნდა მოვხუჭოთ. ესაა ჩვენი, საზოგადოების როლი, რომ კონტროლის მექანიზმი არ უნდა მოსუსტდეს. მაგრამ არც აქ უნდა გადავაჭარბოით. 5 ათას ლარზე დაიყვანეს მინისტრების ხელფასები, პრემიების რაოდენობა მახსოვს ჩემს დროსაც. 5 ათასი ლარად  არის ის მინიმუმი, რითაც შეიძლება დღეს საქართველოში კარგი სპეციალისტი დაიქირავო, მხედველობაში მაქვს მინისტრი. ჩვენ გვინდა დარგები განვთარდეს, შედეგები მივიღოთ და აუცილებლად ვსაჭიროებთ კვალიფიციურ სპეციალისტებს, ამ დროს გადახდაზეც უნდა შევთანხმდეთ, ის, რაც აუცილებელია და სავალდებულოა, კარგ სპეციალისტს უნდა გადაეხადოს. მე მახსოვს გამონათქვამები იყო "ფეისბუქში" წამიკითხავს, რომ 5 ათასი ლარი რა ამბავია, როცა  პენსია როდესაც ამდენია. მე  ძალიან კარგად მესმის, რომ პენსია დაბალია და საზოგადოება არის ძალიან ღარიბი,  საერთო მდგომარეობა არის დაბალი,  მაგრამ თუ გვინდა ამას თავი დავაღწიოთ, პროფესიონალებს უნდა გადავუხადოთ. ამით მომავალში პენსიებიც გაიზრდება და  საერთო ეფექტურობაც ამაღლდება", -განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“