საქართველოს ყოფილი პრეზიდენტის მიზეილ სააკაშვილის განცხადებით, უკრაინის პრეზიდენტმა პეტრო პოროშენკომ და მთავრობამ ქართველი სამხედროს რუსეთში ექსტრადირებით თავი არ შეირცხვინონ, - ამის შესახებ მიხეილ სააკაშვილი Facebookის საკუთარ გვერდზე წერს.

როგორც ყოფილმა პრეზიდენტმა აღნიშნა, ქართული შეიარაღებული ძალების ოფიცერი გიორგი ცერცვაზე მამაცურად იბრძოდა რუსი აგრესორების  წინააღმდეგ 2008 წელს და მაშინაც როდესაც რუსები უკრაინაში შეიჭრნენ.

"ის უკრაინაში ჩამოვიდა ქვეყნის დასაცავად, ისევე როგორც სხვა მრავალი ქართველი. გია ბევრ საიდუმლო ოპერაციაში მონაწილეობდა დონბასში, მოგვიანებით კი უკრაინული სპეცრაზმის ინსტრუქტორი გახდა. რუსი ოლიგარქის ბიძინა ივანიშვილის მიერ მართულ საქართველოს ხელისუფლებას ძალიან არ უყვარს უკრაინისთვის მებრძოლი სამხედროები, ბევრ მათგანზე საქართველოში სისხლის სამართლის საქმე აღიძრა. ქართულმა სპეცსამსახურებმა რუსეთს ცერცვაძის პირადი მონაცემები გადასცეს, რამაც რუსებს საშუალება მისცა, ის დაედანაშაულებინათ ფაბრიკაციულ საქმეში და ძებნა გამოეცხადებინათ. ეს მოსკოვის მხრიდან ჩვეულებრივი პრაქტიკაა და მას კარგად იცნობენ უკრაინაში", - განაცხადა სააკაშვილმა.

მისივე თქმით, გაუკვირდა, როდესაც ოფიციალური მოსკოვის მოთხოვნით ცერცვაზე უკრაინაში დააკავეს და რუსეთში მისი ექსტრადირების საკითხის განხილვა დაიწყეს.

"უკრაინის სასამართლოს ის წინასწარ პატიმრობაში დატოვა, იქამდე სანამ ექსტრადიციის საკითხი არ გადაწყდება. საზოგადოებრივი რეზონანსის შემდეგ, უკრაინის გენერალურმა პროკურატურამ განაცხადა, რომ ცერცვაძეს გაათავისუფლებენ, თუ ის მიიტანს ცნობას, რომ ნამდვილად მონაწილეობდა АТО-ს ოპერაციებში, თუმცა უკრაინის უშიშროების სამსახური, ოპერაციის საიდუმლოების გამო, აღნიშნული ცნობის გაცემაზე უარს ამბობს", - აღნიშნა ექს-პრეზიდენტმა.

მიხეილ სააკავილმა უკრაინის ხელისუფლებას მიმართა და პეტრო პოროშენკოს მოუწოდა საქმით დაინტერესდეს.

"მინდა მივმართო უკრაინის ხელისუფლებას - თავი არ შეირცხვინოთ! განა ოფიციალურად დადასტურებული ცნობა, რომ ის მონაწილეობდა რუსეთ-საქართველოს ომში, საკმარისი მიზეზი არაა, რომ არ გადასცეთ ის მტერს, სადაც სასიკვდილო საფრთხის წინაშე დადგება. დღეს ასე ექცევიან ქართველ გმირებს, ხვალ კი უკრაინის ხელისუფლება ასევე მოექცევა უკრაინის გმირებს. თუ ქვეყანას არ შეუძლია დაიცვას მისი დამცველები, ვინ დაიცავს მას ბოლომდე? პოროშენკო სასწრაფოდ უნდა ჩაერიოს აღნიშნულ საკითხში და ხელისუფლებას დიდი სირცხვილი აარიდოს", - განაცხადა სააკაშვილმა.

ცნობისთვის, ვიცე-პოლკოვნიკი გიორგი ცერცვაძე უკრაინაში რამდენიმე დღის განმავლობაში დააკავეს. რუსეთი მას მკვლელობაში ადანაშაულებს და მის ექსტრადირებას ითხოვს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს