NDI: გამოკითხულთა უმრავლესობის აზრით, საქართველო მეტ სარგებელს ევროკავშირსა და ნატო-ში გაწევრიანებით მიიღებს

2017-01-16 11:44:06, 831 ნახვა

საზოგადოება

ეროვნულ-დემოკრატიული ინსტიტუტისა (NDI) და CRRC-ის საზოგადოებრივი აზრის კვლევის თანახმად, გამოკითხულთა 53% ფიქრობს, რომ საქართველო მეტ სარგებელს ევროპული და ევროატლანტიკური ინტეგრაციით (ევროკავშირსა და ნატო-ში გაწევრიანებით) მიიღებს.

31% მიიჩნევს, რომ საქართველო მეტ სარგებელს მიიღებს, თუ რუსეთთან უკეთესი ურთიერთობის ჩამოყალიბების სანაცვლოდ, უარს იტყვის ევროპულ და ევრო-ატლანტიკურ ინტეგრაციაზე, გამოკითხულთა 7% არც ერთ მოსაზრებას არ ეთანხმება, 9%-მა არ იცის, ხოლო 1%-მა უარი განაცხადა გამოკითხვაში მონაწილეობაზე.

კვლევა 2016 წლის ნოემბერ-დეკემბერში ჩატარდა. დღეს მხოლოდ საზოგადოებრივი აზრის კვლევის შედეგების პირველი ნაწილის პრეზენტაცია გაიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან