ე.წ. მატროსოვის ციხესთან გიგი უგულავას ოჯახის წევრები და „ნაციონალური მოძრაობის“ წარმომადგენლები იმყოფებიან

2017-01-06 18:31:49, 1102 ნახვა

საზოგადოება

ე.წ. მატროსოვის ციხესთან „ნაციონალური მოძრაობის“ წარმომადგენლები და თბილისის ყოფილი მერის, გიგი უგულავას ოჯახის წევრები იმყოფებიან.

„ნაციონალური მოძრაობის“ წევრის, სერგი კაპანაძის განცხადებით, გიგი უგულავას ციხიდან გათავისუფლებას, სხვა პოლიტპატიმრების გათავისუფლებაც მოჰყვება.

მისივე თქმით, ის ეთანხმება ყოფილი პრეზიდენტის მიხეილ სააკაშვილის განცხადებას, რომლის თანახმადაც უგულავას საპატიმროდან გათავისუფელბა ბიძინა ივანიშვილის და ხელისუფლების გადაწყვეტილებაა.

ამასთან, ზურაბ ჭიაბერაშვილის თქმით, გიგი უგულავა რუსი ოლიგარქის რეჟიმის შეწყვეტას შეძლებს და მისი სასჯელაღსრულების დაწესებულებიდან გამოსვლა პარტიისთვის საკმაოდ მნიშნელოვანია.

როგორც გიგა ბოკერიამ ე.წ მატროსოვის ციხესტან ჟურნალისტებს განუცხადა, ქვეყანაში დემოკრატიული რეჟიმის შესაქმნელად გიგი უგულავას ციხიდან განოსვლა აუცილებელი წინაპირობაა.

„პირველ რიგში მინდა ოჯახის წევრებს მივულოცო, ასევე ყველა მეგობარს და საღად მოაზროვნე ადამიანს. გიგი უსამართლოდ იჯდა ციხეში, მაგრამ მისი გამოსვლა ძალიან მნიშვნელოვანია. უგულავას გამოსვლის შემდეგ ივანიშვილის რეჟიმი დასრულდება“,- განაცხადა ბოკერიამ.

შეგახსენებთ, რომ სააპელაციო სასამართლომ თბილისის ყოფილ მერს გიგი უგულავას პატიმრობის ვადა გაუნახევრა. უგულავამ სასჯელაღსრულების დაწესებულება შესაძლოა, დღესვე დატოვოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან