NBA-ს „ყველა ვარსკვლავის“ შუალედური შედეგების მიხედვით, ზაზა ფაჩულია მეორე ადგილზეა

2017-01-06 11:44:11, 983 ნახვა

საზოგადოება

ნაციონალური საკალათბურთო ასოციაციის „ყველა ვარსკვლავის“ შუალედური მონაცემები ცნობილია.

შედეგების თანახმად, საქართველოს ნაკრების კაპიტანი ზაზა ფაჩულია თავის კონფერენციაში ხმების მიხედვით მე-2 ადგილს იკავებს. მას ამ დროისთვის 439 675 ხმა აქვს და მხოლოდ თავისი თანაგუნდელი „გოლდენ სტეიტიდან", კევინ დურანტი უსწრებს.

ცნობისთვის, გასულ წლებში სასტარტო ხუთეულების გამოვლენა მხოლოდ გულშემატკივართა პრეროგატივა იყო, ახლა კი, ხმების 50%-ს გულშემატკივართა აქტიურობიდან გამოთვლიან, ხოლო 25-25% კალათბურთელებისა და მედიის წარმომადგენლების ხმებით გადანაწილდება.

ხმის მიცემის პროცესი 16 იანვარს დასრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან