საქართველო ბიზნესისთვის საუკეთესო ქვეყნების რეიტინგით რეგიონში ლიდერია

2016-12-30 18:06:58, 2433 ნახვა

ეკონომიკა

Forbes-ის მიერ გამოქვეყნებულ ბიზნესისთვის საუკეთესო ქვეყნების რეიტინგში საქართველო 139 სახელმწიფოს შორის 43-ე ადგილს იკავებს.

ამ შედეგით საქართველო რეგიონის ლიდერი ქვეყანაა, რადგან "ფორბსის" რეიტინგში თურქეთი 62-ე პოზიციაზეა, აზერბაიჯანი 64-ზე, სომხეთი - 75-ზე, ხოლო რუსეთი - 79-ზე.

ამ პარამეტრების მიხედვით, საქართველოს მდგომარეობა მხოლოდ ერთ კრიტერიუმშია გაუარესებული - მონეტარული თავისუფლების მიხედვით, ქვეყანამ 50-ე ადგილზე გადაინაცვლა.

აღსანიშნავია,რომ საქართველო მე-4 პოზიციაზეა ვაჭრობის თავისუფლების მიხედვით, ხოლო ინვესტორთა დაცვის კუთხით - მე-7 ადგილზე.

ბიზნესის კეთების რეიტინგში პირველ ხუთეულში შედიან შვედეთი, ახალი ზელანდია, ჰონგ-კონგი, ირლანდია და დიდი ბრიტანეთი.

ცნობისთვის, რეიტინგის შედგენისას გათვალისწინებულია შემდეგი კრიტერიუმები - სავაჭრო და მონეტარული თავისუფლება, საკუთრების უფლება, ინოვაციები, ტექნოლოგიები, ინვესტორთა დაცვა, კორუფცია, პერსონალური თავისუფლება, გადასახადები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან