საქართველოს ეკონომიკისა და მდგრადი განვითარების სამინიტროს სსიპ ინოვაციების და ტექნოლოგიების სააგენტოს ორგანიზებით საქართველოში არსებული 22 სამრეწველო ინოვაციების ლაბორატორია მსოფლიოს ფაბლაბების რუკაზე გამოჩნდა, რომელიც მსოფლიოში არსებულ 1000-ზე მეტ ლაბორატორიას შორის ერთგვარი  საკომუნიკაციო საშუალებაა.  საქართველო რეგიონის მასშტაბით პირველი ქვეყანაა, რომელმაც  გლობალურ რუკაზე 22 ფაბლაბი მონიშნა.

2016 წლის მონაცემებით, საქართველო ფაბლაბების რაოდენობის მიხედვით მე-11  ადგილს იკავებს მსოფლიო ფაბლაბების რუკაზე. 

ის უსწრებს ისეთ ქვეყნებს,როგორებიცაა შვეიცარია, პორტუგალია, პოლონეთი, იაპონია, ჩინეთი და სხვა. 

აღსანიშნავია, რომ საქართველოს ინოვაციების და ტექნოლოგიების სააგენტო მსოფლიო რუკაზე დარეგისტრირებული ფაბლაბების შერჩევისა და რუკაზე მონიშვნის კომისიის წევრებს შორისაც იკავებს ადგილს.

,,გასულ წელს FAB11-ის საერთაშორისო კონფერენციაზე საქართველო დასახელდა მსოფლიოში პირველ ფაბლაბების ქვეყნად, ამ სტატუსის მატარებელ ქვეყანას აქვს საშუალება ცოდნაზე დაფუძნებული ეკონომიკის მშენებლობის უნიკალური მოდელი გამოიყენოს. აღნიშნული წინსვლა უფრო მეტად ამყარებს ამ კონცეფციაში ჩვენს აქტიურ მონაწილეობას, რაც ზრდის პერსპექტივებს მომავალი განვითარების კუთხით. საქართველოს ინოვაციების და ტექნოლოგიების  სააგენტო კიდევ უფრო აქტიურად გეგმავს სამრეწველო ინოვაციების ლაბორატორიების მიმართულებით მუშაობას, რაც აუცილებლად აისახება სფეროს წინსვლასა და ბიზნესის განვითარებაზე."- აცხადებს ფაბლაბების ქსელის მენეჯერი გიორგი ხაჩიძე.

სამრეწველო ინოვაციების ლაბორატორია - ფაბლაბის პროექტი საქართველოს ინოვაციების და ტექნოლოგიების სააგენტომ 2014 წელს დაიწყო, პირველილაბორატორია ილიას სახელმწიფო უნივერსიტეტში დაარსდა, რის შემდეგაც სააგენტომ თბილისის მერიასა და განათლებისა და მეცნიერების სამინისტროსთან ერთად საქართველოს მასშტაბით მოახდინა 21 ლაბორატორიის ფორმირება.

 მნიშვნელოვანია, რომ განათლების სამინისტროს დაფინანსებით სახელმწიფო პროფესიულ სასწავლებლებში 14-მდე ფაბლაბი ერთდროულად გაიხსნება, რაც უპრეცედენტო შემთხვევაა მთლიანად რეგიონში.

ფაბ-ლაბი არის უნიკალური სივრცე ნებისმიერი მოქალაქისათვის, რომელსაც აქვს იდეა, სურს მისი განხორციელება, ან სტარტაპ ბიზნესად ჩამოყალიბება. ის ყველას აძლევს საშუალებას ჰქონდეს წვდომა თანამედროვე ტექნოლოგიებზე, მორგებულია ნებისმიერ მომხმარებელზე, ამ სივრცეებში ხდება ახალი წამოწყებების სრულყოფა, მომავლის პროფესიების ფორმირება და ახალგაზრდა ინოვატორების იდეების რეალიზება.

დღეს ქვეყანაში ფაბლაბების რაოდენობის გადანაწილება ასეთია:

თბილისი - 9

ბათუმი - 2

ქუთაისი - 2 

მესტია - 1 

გურჯაანი - 1

ახალციხე - 1

ქობულეთი - 1

წალენჯიხა - 1

ფოთი - 1

ამბროლაური - 1

რუსთავი - 1

ზუგდიდი - 1

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

2026 წლის I კვარტალში სამუშაო ძალის რაოდენობა შემცირდა, ასევე შემცირდა დასაქმების დონეც

ევროკავშირი კრემლთან მოლაპარაკებებში შუამავლად ევროპის ცენტრალური ბანკის ყოფილ პრეზიდენტს, მარიო დრაგის განიხილავს

ორ სამოქალაქო აქტივისტს ტროტუარის გადაკეტვისთვის დაპატიმრება მიუსაჯეს

BOG-ის კამპანიებმა საერთაშორისო კრეატიულ ფესტივალ Baku Flames 2026-ზე ორი ჯილდო მოიპოვა