გუშინ, ოპერაში  გამართულ დაჯილდოებაზე „წლის საუკეთესო“, წლის წარმატებულ და საუკეთესო გამომგონებლად დემირელის სახელობის კოლეჯის მოსწავლე კარლო ხუციშვილი დასახელდა.

კარლო ნომინაციაზე ახალი პროექტით იყო წარდგენილი, რომელმაც საზოგადოების დიდი მოწონება დაიმსახურა. ეს ახალგაზრდა გამომგონებლის უკვე მეორე აღიარებაა ამ კონკურსზე.

გასულ წელს ნასაში მოგზაურობის შემდეგ ახალციხელმა გამომგონებელმა შექმნა მოწყობილობა, რომლითაც ნაღმის გაუვნებელყოფაა შესაძლებელი. დრონი, სახელწოდებით Life saver, Ipad-ის საშუალებით იმართება და მას სხვა მსგავს მოწყობილობებთან შედარებით არაერთი უპირატესობა აქვს. სწორედ ამ ინოვაციური პროექტით დემირელის კოლეჯის მოსწავლე ნორჩ მეცნიერთა და გამომგონებელთა ოლიმპიადის IYIPO 2016-ის გამარჯვებული და ოქროს მედლი მფლობელი გახდა.

კარლოს ბოლო პროექტი, რომელიც „წლის საუკეთესო“ დასახელდა, შშმ ბავშვების შესაძლებლობების გასაუმჯობესებლად შექმნა ახალგაზრდა ინოვატორმა. ეტლით მოსარგებლეებისთვის ნიჭიერმა ახალგაზრდამ გამოიგონა სპეციალური აპლიკაცია, რომლის განხორციელებითაც შშმ პირებს  მთავარი დაბრკოლების გადალახვა მარტივად შეეძლებათ.  პროეტზე მუშაობისას დემირელის კოლეჯის მოსწავლემ შეზღუდული შესაძლებლობის მოსწავლეებიც ჩართო და პროექტზე მუშაობისას, სწორედ შშმ ბავშვებთან ერთად იმუშავა.

ამ ეტაპზე დემირელის კოლეჯის მოსწავლე ათასწლეულის გამოწვევის ინოვაციის კონკურსის ფინალისტიცაა და მცირედი აშორებს კიდევ ერთ წარმატებას.

ახალგაზრდა გამომგონებელი, ახალციხელი კარლო ხუციშვილი დემირელის სახელობის კოლეჯის მეთორმეტე კლასის მოსწავლეა და იგი უკვე მრავალი პრიზისა და ჯილდოს მფლობელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“