ეს არის ძალიან მნიშვნელოვანი დოკუმენტი, რომელიც განსაზღვრავს საქართველოსა და ამერიკას შორის თანამშრომლობას, ასევე იმ ნაბიჯებს, რომელიც გადაიდგმება 2017 წლის განმავლობაში, - ასე შეაფასა საქართველოს საგარეო საქმეთა მინისტრმა მიხეილ ჯანელიძემ ამერიკის პრეზიდენტის ბარაქ ობამას მიერ დღეს ხელმოწერილი კანონი ამერიკის შეერთებული შტატების 2017 წლის სამხედრო ბიუჯეტის შესახებ.

ჯანელიძის შეფასებით, ეს არის შედეგი 2016 წლის განმავლობაში ყველა შესაბამის ფორმატში ორმხრივი, ძალიან აქტიური ურთიერთობის.

„ეს არის ძალიან მნიშვნელოვანი დოკუმენტი, რომელიც განსაზღვრავს საქართველოსა და ამერიკას შორის თანამშრომლობას, ასევე იმ ნაბიჯებს, რომელიც გადაიდგმება 2017 წლის განმავლობაში. ეს არის შედეგი ჩვენი ორმხრივი, ძალიან აქტიური ურთიერთობის 2016 წლის განმავლობაში ყველა შესაბამის ფორმატში, სტრატეგიული თანამშრომლობის ფორმატში პირველ რიგში. ასევე ჩვენი თანამშრომლობა ამერიკის შეერთებული შტატების კონგრესთან, მეგობართა ჯგუფთან და ის ორპარტიული მხარდაჭერა საქართველოსადმი, რომელიც ჩვენ გვაქვს და რომელიც პირველ რიგში უკავშირდება საქართველოს მიერ განხორციელებულ რეფორმებს, წარმატებულ სვლას ევროატლანტიკური ინტეგრაციისკენ, ჩვენს წარმატებულ თანამშრომლობას ყველა იმ სტრატეგიული მიმართულებით, რომელიც უკავშირდება უსაფრთხოებას, მშვიდობას და საერთო ინტერესს იყოს მეტი სტაბილურობა და განვითარება რეგიონში“, - განაცხადა მიხეილ ჯანელიძემ.

ცნობისთვის, აშშ-ის მოქმედმა პრეზიდენტმა ბარაქ ობამამ აშშ-ის 2017 ფინანსური წლის სამხედრო ბიუჯეტის შესახებ კანონს ხელი მოაწერა. კანონის თანახმად, აშშ-სა და რუსეთის სამხედრო თანამშრომლობა შეზღუდულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს