საპარლამენტო უმრავლესობის წევრი მანანა კობახიძე იმედს გამოთქვამს, რომ საკონსტიტუციო კომისიასთან დაკავშირებით, პრეზიდენტი თავის გადაწყვეტილებას გადახედავს.

როგორც დეპუტატმა ჟურნალისტებს განუცხადა, კონსტიტუციაზე მუშაობის პროცესში პრეზიდენტის ადმინისტრაციის ჩართულობა ძალიან მნიშვნელოვანია.

„ძალიან კარგი იქნებოდა, თუ პრეზიდენტის ადმინისტრაცია კომისიის მუშაობაში ჩართული იქნებოდა და თავის პოზიციას სწორედ ამის მეშვეობით წარმოადგენდა. ჩვენ ყველანი საპარლამენტო უმრავლესობიდან, ნამდვილად ვიტოვებთ იმედს, რომ პრეზიდენტი საკონსტიტუციო კომისიასთან დაკავშირებით თავის გადაწყვეტილებას გადახედავს, რადგან მისი ადმინისტრაციის ჩართულობა საკმაოდ მნიშვნელოვანია. ერთხელ და სამუდამოდ, ის ხარვეზები, რომელიც ქვეყნის კონსტიტუციაში არსებობს, უნდა გამოსწორდეს“, - განაცხადა კობახიძემ.

რაც შეეხება საკონსტიტუციო კომისიის ლეგიტიმურობას, კობახიძემ განაცხადა, რომ ჯგუფის ლეგიტიმურობასთან დაკავშირებით კითხვის ნიშნები არ არსებობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს