საქართველოს ენერგეტიკისა და წყალმომარაგების მარეგულირებელი კომისიის სხდომა მიმდინარეობს, რომელზეც „ენერგო-პრო ჯორჯიას“  მფლობელობაში არსებულ ჰიდროელექტროსადგურების წარმოების ტარიფებს განიხილავენ.

სემეკის წევრის, გოჩა შონიას განცხადებით, ჰიდროელექტროსადგურების მხრიდან წარმოების ტარიფის ზრდასთან დაკავშირებით, მოთხოვნა არ ყოფილა, ვინაიდან დღეს გეგმიური გადახედვა ხდება.

„ეს არის გეგმიური გადახედვა, მოთხოვნა არცერთ კომპანიას ტარიფთან მიმართებაში არ აქვს. ვიხილავთ „ენერგო-პრო ჯორჯიას“  მფლობელობაში არსებული ჰიდროელექტრო სადგურების ტარიფებს, მანამდე  თბოელექტროსადგურების ტარიფებს, გადაცემა-დისპეჩერიზაციის ტარიფებს. თითქმის ყველა კომპონენტი განვიხლიეთ და მივიღეთ გადაწყვეტილება. ჰიდროელექტროსადგურების ნაწილი დიდ გავლენას ახდენს შესყიდვების კომპონენტზე. მნიშვნელოვანია, როგორი გადაწყვეტილება იქნება მიღებული და რა სახით წარმოადგენს ტარიფების დეპარტამენტი აღნიშნულ სატარიფო განაცხადებს. კომპანიას აქვს თავისი მოსაზრება კონკრეტულ ხარჯებთან მიმარეთებაში, შესაბამისი დეპარტამენტის  მხრიდან  კომისია შეაჯერებს როგორც დეპარტამენტის მოსაზრებებს, ასევე კომპანიის მოსაზრებებს და მიიღებს გადაწყვეტილებებს“, - განაცხადა გოჩა შონიამ.

კითხვაზე - ტარიფების დეპარტამენტის პოზიცია არის თუ არა ის,  რომ წარმოების ტარიფის გაზრდა ჰიდროელექტროსადგურების შემთხვევაშიც საჭიროა, შონიამ აღნიშნა, რომ ეს სხდომის მიმდინარეობისას გახდება ცნობილი.

მისივე განმარტებით, ჰიდროელექტროსადგურებთან მიმართებაში ლარის კურსს გავლენა არ აქვს.

„რადგან ისინი წყალზე მუშაობენ, კურსი ძირითადად თბოელექტროსადგურებთან მიმართებაში მუშაობს“,-განაცხადა გოჩა შონიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა