2016-12-20 00:57:15, 1334 ნახვა
საზოგადოება
ბერლინში მომხდარ თავდასხმასთან დაკავშირებით, გერმანიაში საქართველოს საელჩოში ცხელი ხაზი ამოქმედდა
ბერლინში მომხდარ თავდასხმასთან დაკავშირებით, გერმანიაში საქართველოს საელჩოში ცხელი ხაზი ამოქმედდა: +49 (0) 162 8855303.
ასევე 24 საათიანი ცხელი ხაზი მოქმედებს საგარეო საქმეთა სამინისტროს საკონსულო დეპარტამენტში: (+995 32) 294 50 50.
საგარეო უწყების ინფორმაციით, გერმანიის ფედერაციულ რესპუბლიკაში საქართველოს საელჩო მუდმივ კავშირზეა გერმანიის საგანგებო სიტუაციების სამსახურის პირველადი რეაგირების ჯგუფთან. ამ ეტაპზე გერმანული მხარე დაღუპულთა და დაშავებულთა შორის საქართველოს მოქალაქეების არსებობას არ ადასტურებს.
ცნობისთვის, ბერლინში საშობაო ბაზრობის ტერიტორიაზე სატვირთო ავტომანქანა შევარდა. შემთხვევას 9 ადამიანი ემსხვერპლა. დაშავებულთა რიცხვი კი 50-ს აღემატება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
