საქართველოს პრეზიდენტმა მიიღო გადაწყვეტილება საკონსტიტუციო კომისიასთან დაკავშირებით. შესაბამისად საქართვლოს პრეზიდენტის ადმინისტრაციის თანამშრომლები პრეზიდენტის გადაწყვეტილებას ასრულებენ , - ამის შესახებ პრეზიდენტის საპარლამენტო მდივანმა ანა დოლიძემ განაცხადა. 

როგორც დოლიძემ აღნიშნა, ქვეყანაში ბევრად უფრო მნიშვნელოვანი საკითხებია, რომელიც მოგვარებას საჭიროებს.  

"ჩვენმა ხალხმა იცის, თუ რა ადარდებს მას დღეს, რას შეჭამს, რას ჩაიცვამს და რით გაათბობს ახალ წელს სახლს. ეს გაჭიანურებული საუბრები ამ თემასთან დაკავშირებით მიმაჩნია ზედმეტად და შეუსაბამოდ ქართულ რეალობასთან. იმისათვის, რომ ვიყოთ მართლები, ვისაუბროთ ფაქტებზე დაყრდნობით. ფაქტი არის ის, რომ 19 ოქტომბერს, რამდენიმე თვის წინ, პირველად საქართველოს პრეზიდენტის ადმინისტრაციამ დასვა საკითხი მზაობისა, რომ ემსჯელა პარლამენტთან და აღმასრულებელ ხელისუფლებასთან ერთად სამუშაო ჯგუფის შემადგენლობასა და საქმიანობასთან დაკავშირებით. ეს იყო 19 ოქტომბერს. დღეს ქვეყნის წინაშე არის ბევრი სერიოზული, ძირითადად ეკონომიკური პრობლემა. შესაბამისად მოვუწოდებთ უმაღლეს საკანონმდებლო ორგანოს, ჩვენს მთავრობას, ლიდერებს, რომ ჩვენთან ერთად დავკონცეტრირდეთ ამ საკითხების მოგვარებაზე", - განაცხადა ანა დოლიძემ. 

შეგახსენებთ, რომ საქართველოს პრეზიდენტმა საკონსტიტუციო კომისიაში მუშაობაზე უარი განაცხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს