„ეროვნული ბანკი სესხების რესტრუქტურიზაციასთან დაკავშირებით მუშაობას აგრძელებს“, - ამის შესახებ ეროვნული ბანკის პრეზიდენტმა გიორგი ქადაგიძემ ჟურნალისტებს განუცხადა.

მისივე განმარტებით, ეროვნულ ბანკს აინტერესებს რიცხვები, თუ რა რაოდენობის სესხის რესტრუქტურიზაცია მოხდა და როგორი იყო მოთხოვნა მსესხებლების მხრიდან ასეთი ტიპის რესტრუქტურიზაციაზე.

თუმცა, ქადაგიძემ კიდევ ერთხელ განმარტა, რომ სესხების რესტრუქტურიზაცია საკითხის ფუნდამენტურ გადაწყვეტას არ ნიშნავს.

„სესხების რესტრუქტურიზაციასთან დაკავშირებით, ჩვენ ვაგრძელებთ მუშაობას. რიგმა ბანკებმა განახორციელეს თავიანთი შეთავაზებები. ჩვენ გვაინტერესებს რიცხვები, რა რაოდენობის სესხების რესტრუქტურიზაცია მოხდა, როგორი იყო მოთხოვნა ასეთი ტიპის რესტრუქტურიზაციაზე მსესხებლების მხრიდან. მაგრამ, აქვე, კიდევ ერთხელ ვამბობ, ეს არ არის ფუნდამენტური საკითხის გადაწყვეტა, ეს არის მხოლოდ დროებითი შემსუბუქება ტვირთის ამ ადამიანებისთვის, მეტი პროგნოზის გაკეთება ამ ეტაპზე მიზანშეწონილად არ მიმაჩნია“, - განაცხადა ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა