საქართველოს ფინანსთა მინისტრი, პირველი ვიცე-პრემიერი, დიმიტრი ქუმსიშვილი ამწუთებში პარლამენტს  2017 წლის სახელმწიფო  ბიუჯეტის დოკუმენტს აცნობს. დიმიტრი ქუმსიშვილის განცხადებით, აღნიშნული დოკუმენტი ეკონომიკური ზრდის გარანტია. მისივე განმარტებით, ესაა ბიუჯეტის პროექტი, რომელმაც საქართველოს თითოეული მოქალაქის კეთილდღეობა და სტაბილურად ცხოვრება უნდა უზრუნველყოს:

„დღეს ჩემთვის, როგორც ფინანსთა მინისტრისთვის, ყველაზე მნიშვნელოვანი საჯარო გამოსვლაა, ვინაიდან წარმოგიდგენთ ჩვენი ქვეყნის 2017 წლის ბიუჯეტის დოკუმენტს, რომელიც არის ქვეყნის ეკონომიკური ზრდის გარანტი და მნიშვნელოვანია არა მხოლოდ მოკლევადიან პერიოდში, როგორიც არის 1 წელი, არამედ საფუძველია ზოგადად ქვეყნის განვითარებისთვის. ეს არის დოკუმენტი, რომელმაც თითოეული ჩვენი მოქალაქის კეთილდღეობა და სტაბილურად ცხოვრება უნდა უზრუნველყოს.ზოგადად, საქართველოს განვითარება დამოკიდებულია იმ ნაბიჯების თანმიმდევრობაზე, რომელსაც ჩვენ-ხელისუფლება და საზოგადოება ერთად გადავდგამთ და მომავალი 4 წლის განმავლობაში მივიღებთ შედეგებს. მინდა, მადლობა გადავუხადო საქართველოს მოქალაქეებს, რომლებმაც წლევანდელ საპარლამენტო არჩევნებში კიდევ ერთხელ გამოუცხადეს ნდობა ჩვენს გუნდს.ცხადია, ეს ჩვენთვის ძალიან დიდი პატივია და უფრო მეტად დიდი პასუხისმგებლობა. სწორედ ამ პასუხისმგებლობის ფარგლებში, მზად ვართ, მივიღოთ ის გამოწვევები, რომლებიც დგას ჩვენი ქვეყნის წინაშე და განვაგრძოთ წინსვლა .მსურს ასევე მადლობა გადავუხადო საქართველოს პარლამენტს, რომელმაც დაამტკიცა ქვეყნის მინისტრთა კაბინეტი და განვაცხადო, რომ ჩვენ მზად ვართ, თქვენთან ერთად გადავლხაოთ ის დაბრკოლებები, რომლებიც ჩვენს წინაშეა.კარგად გევსმის, რომ მთავრობის უმთავრესი ფუნქციაა, პირობების შექმნა განვითარებისთვის და შესაძლებლობების მიცემა თითოეული ჩვენი მოქალაქისთვის. სწორედ ამიტომ, წარმოდგენილი ბიუჯეტი ორიენტირებულია შეუქცევად წინსვლასა და განვითარებაზე. ჩვენ ყველას ერთად, რ ოგორც არასდროს, გვჯერა საქართველოს და მისი თითოეული მოქალაქის, ჩვენი შვილების უკეთესი მომავლის“,-განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინმა სი ძინპინთან ვიწრო ფორმატში გამართულ მოლაპარაკებებს მნიშვნელოვანი უწოდა

სუმზე თავდასხმის დროს ხუთსართულიანი შენობა ჩამოინგრა, 8 ადამიანი დაიჭრა

პატიმრებისა და პრობაციონერების ჯამური მაჩვენებლით 2025 წელს საქართველო ევროპაში პირველ ადგილს იკავებდა - რეჟიმის პირობებში 2026 წელს მონაცემები დრამატულად იზრდება

კრემლმა სომხეთის არჩევნების წინ ფაშინიანის წინააღმდეგ საინფორმაციო კამპანია დაიწყო - The Insider