„ერთადერთი მესიჯი, რომელიც თქვენ   ლართან დაკავშირებით გაქვთ  არის ის რაც წეღან გაახმოვანა თქვენმა პირველმა მოადგილემ „არ დაუჯეროთ“,   კი ბატონო თქვენ ნუ დაიჯერებთ, მაგრამ  ჩვენ გვჯერა და ვხედავთ, რომ  ქვეყანა შედის ძალიან ღრმა  კრიზისში, საიდანაც გამოყვანა თქვენი მთავრობის პირობებში უბრალოდ შეუძლებელი იქნება“,-ასე გამოეხმაურა „ნაციონალური მოძრაობის“ ერთ-ერთი ლიდერი დავით ბაქრაძე  პარლამენტის სხდომაზე ფინანსთა მინისტრის პირველი მოადგილის გიორგი თაბუაშვილის განცხადებას.

ბაქრაძის თქმით, მთავრობის წევრების და ეკონომიკური გუნდის მინისტრების  ყველა საჯარო გამოჩენა უარყოფითად აისახება ლარზე.

„დღეს პრაქტიკულად ლარის კურსის ხუთ პუნქტიანი ვარდნა გვაქვს.  1 დოლარმა შეადგინა 2, 6599  ლარი. ეს  არის ძალიან სერიოზული ვარდნა. წეღან მოვისმინეთ, რომ ეს არის მცურავი კურსი. ბატონებო მე შეიძლება ვთვლიდე, რომ არ შეგიძლიათ ლარის დასტაბილურება, არ შეგიძლიათ ეკონომიკის წინ წაყვანა, არ შეგიძლიათ ქვეყნის მართვა, მაგრამ ნამდვილად არ მჯერა, რომ ცურვა მაინც არ იცით. ცურვა ნიშნავს იმას, რომ როდესაც ზედაპირზე  იმყოფები, როდესაც მუდმივად ქვევით, ქვევით ეშვები, ეს ცურვა აღარ არის.  ეს მცურავი კურსი აღარ არის.  ეს არის უკვე დამხრჩვალი კურსი, რა მდგომარეობაშიც და რა კურსამდეც თქვენს მიერ გატარებულმა ნაბიჯებმა მიიყვანა ლარი. მთელი ამ დისკუსიის ფონზე  მე ვფიქრობ, ეს არის პრაქტიკული და  კონკრეტული პასუხი იმისა, თუ როგორ იქცევა მთავრობა, როგორ რეაგირებს ბაზარი, როგორ  რეაგირებს ეკონომიკა თქვენს ნაბიჯებზე, თქვენს გამოჩენაზე და იმ ინიციატივებზე, რომელსაც თქვენ აცნობთ საზოგადოებას“,-განაცხადა დავით ბაქრაძემ.

ცნობისთვის, არ დაიჯეროთ, ყველაფერი კარგად იქნება, - ასე უპასუხა ლარის კურსთან დაკავშირებით დასმულ კითხვას ფინანასთა მინისტრის მოადგილე გიორგი თაბუაშვილმა.

"დეტალებს და მიზეზებს ვერ გეტყვით. ლარის გაუფასურება არ დაიჯეროთ. ყველაფერი კარგად იქნება", - აღნიშნა ფინანსთა მინისტრის მოადგილემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს