ლიტვაში საქართველოს ანტიტერორისტული ცენტრის ყოფილი ხელმძღვანელი ზურაბ მაისურაძე დააკავეს, - ამის შესახებ ინფორმაციას ლატვიური გამოცემა Delfi სახელმწიფო საზღვრის დაცვის სამსახურზე დაყრდნობით ავრცელებს.

მედია საშუალების ცნობით, მაისურაძის დაკავება 3 დეკემბერს მოხდა, 4 დეკემბერს კი, ვილნიუსის სამოქალაქო სასამართლომ მას წინასწარი პატიმრობა შეუფარდა.

არსებული ინფორმაციით, ანტიტერორისტული ცენტრის ყოფილი ხელმძღვანელი კიევიდან ვილნიუსში ჩავიდა, სადაც ის ადგილობრივმა მებაჟეებმა რუსეთის ინიციატივით გაცემული ინტერპოლის ორდერის საფუძველზე დააკავეს. რუსული მხარე მას ტერორიზმთან კავშირში სდებს ბრალს. მაისურაძის ექსტრადირების საკითხზე სასამართლო იმსჯელებს.

როგორც სააგენტო News4u წერს, ლიტვაში საქართველოს საელჩოში აცხადებენ, რომ ზურაბ მაისურაძის დაკავებასთან დაკავშირებით ინფორმაცია ჰქონდათ, თუმცა კომენტარისგან თავს იკავებენ.

ამასთან, რუსული გამოცემის российская газета ინფორმაციით, ზურაბ მაისურაძე საქართველოს ყოფილ პრეზიდენტ მიხეილ სააკაშვილთან დაახლოებული პირი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა