უკრაინის გენერალურმა პროკურორმა იური ლუცენკომ ქვეყნის ყოფილი პრეზიდენტი ვიქტორ იანუკოვიჩი სახელმწიფო ღალატსა და უკრაინის წინააღმდეგ რუსეთის აგრესიის ხელშეწყობაში ეჭვმიტანილად ოფიციალურად გამოაცხადა, - ამის შესახებ ლუცენკომ კიევის რაიონულ სასამართლოში განაცხადა. 

როგორც გენერალურმა პროკურორმა აღნიშნა, ვიქტორ იანუკოვიჩს ეჭვმიტანილად ცნობის შესახებ ზეპირსიტყვიერად განუცხადეს, შესაბამისი დოკუმენტი კი მის ადვოკატს გადასცეს. ასევე შეტყობინებები იანუკოვიჩის ყველა მისამართზეა დგადაგზავნილი. 

“როგორც გენერალური პროკურორი მივმართავ ვიქტორ იანუკოვიჩს სისხლის სამართლის საპროცესო კოდექსის მე-11 თავის 111-ე და 278-ე მუხლების შესაბამისად და გატყობინებთ, რომ თქვენ ეჭვმიტანილი ხართ სახელმწიფო ღალატში, რუსეთის ფედერაციის ხელისუფლების წარმომადგენელთა მიზანმიმართული ქმედებების ხელშეწყობაში, რაც მიმართული იყო უკრაინის ტერიტორიისა და სახელმწიფო საზღვრის შეცვლისკენ, უკრაინის კონსტიტუციის დადგენილი წესრიგის დარღვევისა და აგრესიული ომის წარმოებისკენ”,  - განაცხადა ლუცენკომ.

იური ლუცენკო არ გამორიცხავს, რომ სახელმწიფო ღალატში ეჭვმიტანილად შესაძლოა, ასევე ყოფილი პრემიერი ნიკოლაი აზაროვი გამოცხადდეს.

ამასთან, კიევის რაიონულ სასამართლოში უკრაინის ყოფილი პრეზიდენტის ვიქტორ იანუკოვიჩის დაკითხვა მიმდინარეობს

შეგახსენებთ, რომ უკრაინის ყოფილი პრეზიდენტის დაკითხვა 2014 წლის თებერვალში მაიდანზე აქტივისტების დახვრეტის საქმესთან დაკავშირებით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა