მიხეილ სააკაშვილის ოდესის გუბერნატორად დანიშვნა ოდესელებისა და მთელი უკრაინელი ხალხის შეურაცხყოფა იყო, - ამის შესახებ რუსეთის პრეზიდენტმა ვლადიმერ პუტინმა ამერიკელ რეჟისორ ოლივერ სტოუნთან ინტერვიუში განაცხადა.

როგორც პუტინმა აღნიშნა, მას უკვირს, თუ რატომ არ დაინიშნა გუბერნატორის პოსტზე ვინმე უკრაინელი პროფესიონალი.

"ეს უბრალოდ იყო შეფურთხება, ოდესელებისა და მთელი უკრაინელი ხალხის შეურაცხყოფა. მას აშშ-ში სამუშაო ვიზაც კი არ მისცეს. უნივერსიტეტებს მისი სამსახურში აყვანა არ უნდოდათ, ხოლო ოდესის გუბერნატორის მოვალეობის შესრულება მას შეუძლია. არ არსებობენ წესიერი, პროფესიონალი უკრაინელები, რომლებსაც ამ სამუშაოს შესრულება შეუძლიათ?”, - განაცხადა ვლადიმერ პუტინმა.

აღსანიშნავია, რომ ვლადიმერ პუტინთან ინტერვიუ ოლივერ სტოუნმა ფილმისთვის “უკრაინა ცეცხლში” ჩაწერა.

ცნობისთვის, ფილმის პრემიერა 21 ნოემბრეს ტელეკომპანია “რენ ტვ”-ს ეთერში შედგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი სოციალურ ქსელებში ცენზურაზე - ვისაც იხუტებს ბრიუსელი, ისინი ცდილობენ ზიზღის დათესვას

რუსი ოკუპანტების მიერ უკანონოდ დაკავებული საქართველოს 2 მოქალაქე თავისუფალია

კობახიძე სოციალურ ქსელებში ცენზურაზე - სახელმწიფო უზრუნველყოფს ეფექტიან რეაგირებას

ბაქო - თბილისი - ყარსის ახალი სარკინიგზო მონაკვეთი სრულ ექსპლუატაციაში შევიდა