“თიბისი ბანკისა“ და კომპანია „ჯეოსელის“ ერთობლივი პროექტის - ”ბიზნესდაჯილდოება 2016” ფინალური ღონისძიება გაიმართა.

523 კომპანიიდან დამოუკიდებელმა კომისიამ შვიდ ნომინაციაში გამარჯვებული კომპანიები გამოავლინა. „წლის მცირე ბიზნესის” ტიტული კომპანია - white studio-მ მოიპოვა, ”წლის ინოვაციური ბიზნესის” წოდება „ბიოქიმფარმას“ მიენიჭა, ”წლის ტურისტული ბიზნესი” - „ბარბარესთან“, „წლის ქართული პროდუქტი“ კომპანია „ბადაგი“ გახდა, ”წლის აგრობიზნესი” - bpc, ”წლის ბიზნესი“ - „ზეთა კემპინგი”, ხოლო „ხალხის რჩეულის“ ტიტული „კინგსმა“ მოიპოვა.

”ბიზნესდაჯილდოება 2016” თიბისი ბანკისა და ჯეოსელის ერთობლივი პროექტია, რომელიც მიზნად ისახავსქვეყანაში ბიზნესის კეთების პოპულარიზაციას, მცირე და საშუალო ბიზნესის მხარდაჭერას და დამწყები მეწარმეების წახალისებას, რომ მათაც გამოიყენონ ქვეყანაში არსებული შესაძლებლობები და წამოიწყონ საკუთარი ბიზნესი.

„თიბისი ბანკი“ და „ჯეოსელი“ საკუთარი რესურსებით ეხმარებოდნენ კომპანიებს სხვადასხვა პიარ და მარკეტინგული აქტივობების განხორციელებაში. შედეგად, სოციალური ქსელის მეშვეობით ”ბიზნესდაჯილდოების" შესახებ 1 მილიონმა ადამიანმა შეიტყო; ჰეშთეგი #გააზიარეწარმატება 90 000-მდე ადამიანმა გააზიარა, ხოლო მედიასაშუალებებში პროექტისა და მონაწილეების შესახებ 200-ზე მეტი სტატია და რეპორტაჟი მომზადდა. დაჯილდოების მთავარი მიზანი სწორედ ამ კომპანიების ცნობადობის ამაღლება და მათი ბიზნესის წარმატების გაზიარება იყო.

როგორც "თიბისი ბანკის" დამფუძნებელმა მამუკა ხაზარაძემ აღნიშნა, ბანკმა ახალგაზრდა ბიზნესმენებს მხარდაჭერას უცხადებს.

"აბსოლუტურად ახალი იდეები, ახალი ინოვაციები წამოვიდა წინა პლანზე. ადამიანები, რომლებმაც შექმნეს თავისი ბიზნესი ნულიდან და სწორედ ასეთ ადამიანებს სჭირდებათ მხარდაჭერა. ეს ადამიანები, ეს ბიზნესმენები ქმნიან ახალ რეალობას, ახალ სამუშაო ადგილებს და ჩვენ როგორც ბანკი მხარში ვუდგევართ ამ ადამიანებს“, - განაცხადა მამუკა ხაზარაძემ.

"თიბისი ბანკის“ გენერალური დირექტორის მოადგილის, ნიკა ქურდიანის თქმით, პროექტი მიზნად ისახავს ბიზნესის განვითარებას.

”ეს ყველაფერი ემსახურება ერთადერთ რამეს, რომ ბიზნესს შევუქმნათ განწყობა თავის წამატებაზე საუბრით. ამით ისინი სხვასაც აძლევენ სტიმულს. ეს ყველაფერი დიდი მოტივატორია და თუ ჩვენ ვსაუბრობთ ეკონომიკაზე, უნდა გავითვალისწინოთ, რომ რაც უფრო მეტი ბიზნესი და ბიზნეს აქტივობა იქნება, მით უკეთესია ქვეყნისთვის. პროექტს აუცილებლად გავაგრძელებთ მომდევნო წლებში და გვინდა ეს იყოს საკმაოდ დიდი წამოწყება”, - განაცხადა ნიკა ქურდიანმა.

დაჯილდოების ცერემონიას პირველი ვიცე-პრემიერი, ეკონომიკის მინისტრი დიმიტრი ქუმსიშვილი დაესწრო. მისი განცხადებით, მსგავსი პროგრამები ხელს უწყობს ქვეყანაში ბიზნესის განვითარებას და მის სწორად წარმართვას.

ბიზნესდაჯილდოება მომავალ წელსაც გაიმართება და მას ბევრი საინტერესო სიახლე დაემატება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას