ცენტრალურმა საარჩევნო კომისიამ 2016 წლის 8 ოქტომბრის არჩევნების საბოლოო შედეგები შეაჯამა. შემაჯამებელ ოქმს ცესკო-ს თავმჯდომარემ, თამარ ჟვანიამ მოაწერა ხელი.

აღნიშნული მონაცემების თანახმად, ამომრჩეველთა საერთო რაოდენობა 3 513 884 იყო. არჩევნების შედეგები გაბათილდა და განმეორებითი კენჭისყრა აღარ გაიმართა 10 უბანზე. პროპორციული საარჩევნო სისტემით ჩატარებულ არჩევნებში მონაწილეობა 1 825 054-მა ამომრჩეველმა მიიღო.

საარჩევნო სუბიექტებისთვის მიცემულ ხმათა რაოდენობა ასეთია: "ერთიანი ნაციონალური მოძრაობა" 477 053 ხმა, "დავით თარხან -მოურავი, ირმა ინაშვილი-საქართველოს პატრიოტთა ალიანსი, გაერთიანებული ოპოზიცია" 88 097 ხმა, "ქართული ოცნება - დემოკრატიული საქართველო" 856 638 ხმა.

პარლამენტის წევრად "ქართული ოცნებიდან" 115 დეპუტატი აირჩიეს, "ნაციონალური მოძრაობიდან"  - 27,  "პატრიოტთა ალიანსიდან"  - 6, "თოფაძე მრეწველებიდან" - ერთი და კიდევ ერთი დეპუტატი საინიციატივო ჯგუფიდან.

შემაჯამებელი ოქმი  "საკანონმდებლო მაცნეში" გამოქვეყნების შემდეგ ოფიციალურად ძალაში შევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს