პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა სამუშაო შეხვედრა გამართა საერთაშორისო სავალუტო ფონდის მისიასთან, რომელსაც მერსედეს ვერა მარტინესი ხელმძღვანელობს.  

შეხვედრას ასევე დაესწრნენ ფინანსთა მინისტრი ნოდარ ხადური, საერთაშორისო სავალუტო ფონდის წარმომადგენლობის ხელმძღვანელი საქართველოში ფრანსუა პეჰშო, აგრეთვე ეკონომიკისა და მდგრადი განვითარებისა და ფინანსთა სამინისტროების პასუხისმგებელი პირები. 

შეხვედრაზე საუბარი წარიმართა საქართველოს ფისკალურ მდგომარეობაზე, ბიუჯეტის ძირითად პარამეტრებსა და მთავრობის ხედვაზე საბიუჯეტო დეფიციტის მაჩვენებლის შესახებ. ასევე ყურადღება გაამხვილდა საბიუჯეტო პოლიტიკაზე საშუალოვადიან პერიოდშიც. 

აღინიშნა, რომ საქართველოს მთავრობა უახლოეს პერიოდში დაასრულებს 2017 წლის ბიუჯეტის პროექტზე მუშაობას. ქართულმა მხარემ გამოთქვა მზადყოფნა, მომავალი წლის ბიუჯეტის ძირითადი პარამეტრების და საშუალოვადიანი ფისკალური გეგმების შედგენის პროცესში გაითვალისწინებს სავალუტო ფონდის რეკომენდაციებს.  

შეხვედრაზე ასევე განხილული იყო სტრუქტურული რეფორმები, რომლლის გატარებასაც გეგმავს მთავრობა ახორციელებს ახლო პერიოდში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას