საქართველოს იუსტიციის მინისტრი თეა წულუკიანი  მაჟორიტარული სისტემის გაუქმებას მხარს არ უჭერს.

როგორც მან ჟურნალისტებს განუცხადა, ყველა ოლქს და მასში მცხოვრებ ამომრჩეველს უნდა ჰყავდეს ერთი პირი, რომელიც  აღებულ ვალდებულებებზე პასუხს ბოლომდე აგებს.

თუმცა, ამავდროულად წულუკიანი არ გამორიცხავს, რომ უმცირესობაში იყოს  და ამ მოდელის გაუქმებას პარლამენტმა მხარი დაუჭიროს:

„მე პირადად, როგორც ყოფილი მაჟორიტარი, მაჟორიტარული სისტემის მოშლას არ ვემხრობი.მიმაჩნია, რომ ყველა ოლქს და მასში მცხოვრებ ამომრჩეველს უნდა ჰყავდეს ერთი პირი, რომელიც ბოლომდე აგებს პასუხს იმ ვალდებულებებზე, რომელსაც ის იღებს მათ წინაშე. თუკი ჩვენი ოპონენტები ამბობენ, რომ ზოგიერთ მაჟორიტარს წარსულში არც კი იცნობდა საკუთარი ამომრჩეველი, ეს არ არის მიზეზი იმისა, რომ მთლიანად სისტემა გაუქმდეს. ამის წამალი არის ის, რომ ყველა მაჟორიტარმა კეთილი ინებოს და საკუთარ ამომრჩეველთან უფრო აქტიურად იმუშაოს, თუმცა  არ გამოვრიცხავ, რომ ვიყო უმცირესობაში და პარლამენტმა  ამ მოდელის გაუქმებას მხარი დაუჭიროს“,-აღნიშნა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის