რუსეთის პატრიარქმა კირილმა დონალდ ტრამპს აშშ-ის საპრეზიდენტო არჩევნებში გამარჯვება მიულოცა, - ამის შესახებ BBC იუწყება.

როგორც რუსეთის პატრიარქმა განაცხადა, არჩევანი, რომელიც ამერიკელმა ხალხმა გააკეთა, ტრამპის მიმართ გამოცხადებული დიდი ნდობის მაჩვენებელია.

"ის, რომ ხალხმა აგირჩიათ, ეს მათი დიდი ნდობის მაჩვენებელია. მათ სჯერათ, რომ ქვეყანა მეტად განვითარდება, მათ შორის საშინაო და საგარეო პოლიტიკის თვალსაზრისით. აქტიური შემოქმედებითი საქმიანობა დიდი გამოცდილების მქონე ადამიანად ჩამოგაყალიბათ, რაც ბევრი საკითხის გადაჭრაში, ასევე სხვა ქვეყნებთან ურთიერთობების მოგვარებაში დაგეხმარებათ", - მიმართა რუსეთის პატრიარქმა კირილემ დონალდ ტრამპს.

მანვე დასძინა, რომ თანამედროვე მსოფლიო ბევრი სერიოზული პრობლემის წინაშეა, მათ შორის ტეროზმის გაღვივების წინაშეც და ამას მხოლოდ ერთობლივი ძალებით გამკლავება დაამარცხებს.

კირილემ იმედი გამოთქვა, რომ რუსეთისა და აშშ-ის ეკლესიები ხალხის სასარგებლოდ ტანამშრომლობას გააგრძელებენ.

რუსეთის პატრიარქმა ტრამპს გამძლეობა, ღმერთის წყალობა და მომავალ საქმიანობებში წარმატება უსურვა.

ამასთან, ტრამს გამარჯვება რომის კათოლიკურმა ეკლესიამაც მიულოცა.

როგორც ვატიკანის სახელმწიფო მდივანმა, კარდინალმა პიეტრო პაროლინმა აღნიშნა, ტრამპის მმართველობა "შესაძლოა ნაყოფიერი იყოს".

"ჩვენ ვლოცულობთ, რომ ღმერთმა მისი გზა გაანათოს და ქვეყნის მსახურობაში დაეხმაროს. ამბობენ, რომ ერთი საქმეა იყო კანდიდატი, მეორე კი მოქმედი პრეზიდენტი, რომელსაც ბევრი ვალდებულება აკისრია. ვნახოთ, როგორ გაართმევს ის თავს", - განაცხადა კარდინალმა. 

გარდა ამისა, მანამდე რომის პაპმა ფრანცისკემ დონალდ ტრამპის ქრისტიანობაში ეჭვი შეიტანა, მას შემდეგ რაც "რესპუბლიკელების" კანდიდატმა წინასაარჩევნო კამპანიის დროს განაცხადა, რომ მექსიკასთან არსებულ საზღვარზე კედელს ააშენებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან