უკრაინის პრეზიდენტმა პეტრო პოროშენკომ ოდესის ოლქის გუბერნატორის თანამდებობიდან, მიხეილ სააკაშვილის გადადგომის შესახებ პირველი კომენტარი გააკეთა.

გამოცემა "კორესპონდენტის“ ინფორმაციით, პოროშენკომ იმედი გამოთქვა, რომ უკრაინის მთავრობა ხვალ მიხეილ სააკაშვილის გადადგომას მხარს დაუჭერს.

უკრაინის პრეზიდენტის განცხადებით, თუ ყოფილ გუბერნატორს სურს პოლიტიკური კამპანია ოპოზიციურ ველზე აწარმოოს - დემოკრატიულ სახელმწიფოში, ეს მისი უფლებაა.

„ჩვენ დემოკრატიული სახელმწიფო ვართ. თუ მან ოპოზიციურ ველზე პოლიტიკური კამპანიის დაწყება გადაწყვიტა, ვიმედოვნებ, რომ ხვალ მთავრობა მის გადაწყვეტილებას მხარს დაუჭერს“, - განაცხადა პოროშენკომ.

ამასთან, პოროშენკომ განაცხადა, რომ რეფორმების გასატარებლად, უკრაინაში მიწვეული ზოგიერთი ქართველი მოღვაწე დღემდე წარმატებით მუშაობს მთავრობაში, მათ შორის უკრაინის ეროვნული პოლიციის უფროსი ხატია დეკანოიძე და უკრაინის ანტიკორუფციული ბიუროს დირექტორის პირველი მოადგილე გიზო უგულავა.

მისივე განმარტებით, „ზოგიერთმა ადამიანმა გადაწყვიტა საქმიანობის სფეროს შეცვლა და უკრაინაში პოლიტიკური აქტიურობის დაწყება, მას შემდეგ, რაც ქართულ არჩევნებში დამარცხდა".

ცნობისთვის, უკრაინულ მედიაში ვრცელდებოდა ინფორმაცია, რომ მიხეილ სააკაშვილის ოდესის ოლქის გუბერნატორობის პოსტიდან გადაყენება უკრაინის მთავრობას ჯერ კიდევ ზაფხულში უნდოდა.

შეგახსენებთ, რომ საქართველოს ყოფილმა პრეზიდნეტმა და ოდესის ოლქის ჯერ მოქმედმა გუბერნატორმა პოსტის დატოვების შესახებ გუშინ გამართულ ბრიფინგზე განაცხადა. ამასთან, რამდენიმე საათით ადრე პოსტის ოდესის პოლიციის უფროსმა გია ლორთქიფანიძემ დატოვა.

აღსანიშნავია, რომ უკრაინის მინისტრთა კაბინეტი მიხეილ სააკაშვილის ოდესის საოლქო ხელმძღვანელის  თანამდებობიდან გადადგომის საკითხს  ხვალ განიხილავს.

მიხეილ სააკაშვილის ოდესის საოლქო ადმინისტრაციის თავმჯდომარის პოსტს 2015 წლის 30 მაისიდან იკავებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები